Ձեր վստահելի աղբյուրը

«Իհարկե, հասկանալի է, որ Բրյուսելում քննարկումը ծավալուն է եղել, քննարկումը հեշտ չէ, բայց ես ուզում եմ նաև արձանագրել, որ մեր նպատակադրումները շարունակում են մնալ և պիտի շարունակեն մնալ այնպիսին, ինչի մասին ես հայտարարել եմ իմ հրապարակային ելույթներում. ՀՀ կառավարությունը որդեգրել է խաղաղության օրակարգը, և այստեղ էլ մեզ վճռականություն է անհրաժեշտ այդ օրակարգը կյանքի կոչելու համար»,-կառավարության նիստի ավարտին հայտնեց Նիկոլ Փաշինյանը՝ անդրադառնալով բրյուսելյան եռակողմ հանդիպմանը:

Նրա խոսքով՝ բոլորը պետք է հականան, որ խաղաղություն հաստատելը հեշտ չէ, պարզ չէ, և հնարավոր լուծումներն էլ ակնհայտ չեն:

Հայտըարարելով որ պետք է շարունակեն հետևողական աշխատել Փաշինյանն ասաց. «Նաև կարծում եմ, որ անհրաժեշտություն է և նաև մեր ժողովրդի ցանկությունն է, որ օր առաջ մեր տարածաշրջանում հաստատվի տևական և համապարփակ խաղաղություն. մենք պետք է ավելի ու ավելի շատ կենտրոնանանք այս խնդրի լուծման վրա»:

Նա ասաց, որ այդ պահին այլ մանրամասներ հաղորդելու անհրաժեշտություն չկա, որովհետև այն, ինչ պայմանավորվել են, համառոտ ներկայացված է տարածված հայտարարության մեջ:

«Հետագայում եթե կլինեն մանրամասներ կամ առաջարկներ, թեմաներ, որոնք այնքան հասունացած կլինեն, որ անհրաժեշտ լինի քննարկել կառավարությունում, հանրության հետ, քաղաքական ուժերի հետ, մենք, իհարկե, դա անպայման կանենք»,-ասաց Փաինյանը: