Ձեր վստահելի աղբյուրը

«Նարեկ Մալյանի նկատմամբ հարուցված այդ քրեական գործը խեղկատակություն է ամբողջությամբ։ Այս գործը ծնվել է՝ պարզապես ելնելով Նիկոլ Փաշինյանի բնազդային վախերից»,-Երևանի ընդհանուր իրավասության դատարանում դատավոր Վարդան Գրիգորյանի նախագահությամբ տեղի ունեցած նիստից հետո լրագրողների հետ զրույցում հայտարարեց Մալյանի ներկայացուցիչ Տիգրան Աթանեսյանը։

Նա հիշեցրեց, մի քանի անգամ Փաշինյանն Ազգային ժողովում ու այլ առիթներով հայտարարել է, թե գնդակահարություն են բեմադրում։

«Հայրենիք մի ծախի, մի վախեցի գնադակահարությունից։ Մենք կարծես «Համլետի» ողբերգության մեջ ապրենք։ Ի՞նչ է նշանակում, բեմադրության համար մարդուն դատել։ Նիկոլայե Չաուշեսկույին ու կնոջը գնդակահարել են դատավճռի հիման վրա, այն չի բողոքրակվել ու ուժի մեջ է։ Վերջ։ Եթե հայրենիքդ չես դավաճանել, ինչի՞ց ես վախենում, իհարկե Նիկոլայեն Նիկոլի չափ դավաճան չի եղել, պարզապես մի քիչ ճնշել է իր ժողովրդին, Հունգարիային բան չի փոխանցել։ Սա մանր մարդու վրեժխնդրություն է։ Որպես վկա Սաքունցին են ուղարկել։ Սա էլ տեսաք՝ զավեշտ է։ Յեքա տղամադ ես, մեկ վախենում ես մազերդ կտրեն, մեկ վախենում ես՝ տապչկով կսատակացնեn։ Սա պետք է լո՞ւրջ ընդունել»,-ասաց Աթանեսյանը։

Փաստաբանն արդար դատաքննության հույս ունի, ինչի արդյունքում, ըստ նրա, պետք է կայացվի արադարացման դատավճիռ։

«Հակառակը կլինի մեր երկրի հերթական  խայտառակությունը»,-ասաց փաստաբանը։

Նարեկ Մալյանն էլ լրագրողների հետ զրույցում, խոսելով գործի մասին, ասաց.

«Ինչ զակազ ստանում են, այն էլ պաշտպանում են։ Ես դատական նիստի ժամանակ Սաքունցի երեսին նայելով հարց ուղղեցի՝ դու թուրքից փող ստացե՞լ ես, թե՞ չէ։ Գլուխը կախեց, ձենը կտրեց։ Հետևությունները թողնում եմ ձեզ, իրենց գրասենյակն օֆշորային է, փողերը թաքուն գալիս են, մտնում են սաքունցների գրպանը։ Եթե դու ազգի դավաճան չեք, ինչի՞ ես վախենում տապչկով սատկացնելուց»։

Նրա խոսքոց, Արթուր Սաքունցը տարբեր մարդկանց դեմ դատարաններ ներկայացրած բողոքներ ունի։
«Եթե Արթուր Սաքունցը ծնված լիներ 37 թվին, բռնադատվածների թիվը 2 մլն-ից ավելի կլիներ, բոլորի վրա հաղորդում կտար»,-ասաց Մալյանը` ընդգծելով, որ Սաքունցն ու նրա գործընկերները  գումարները ստանում են թաքուն, չի բացառվում նաև Ալիևից։

Մալյանի խոսքով, այս խմորը դեռ շատ ջուր է քաշելու, իսկ «տապչկեն» իրենց երանություն է թվալու։

«Դատալեքս»-ում հրապարակված մեղադրական եզրակացության համառոտ բովանդակության համաձայն,  «Նարեկ Մալյանին մեղադրանք է առաջադրվել այն բանի համար, որ նա Հայաստանի Հանրապետությունում հետպատերազմյա իրադրությամբ պայմանավորված հասարակության մոտ առկա տրամադրությունները և սոցիալ-հոգեբանական խոցելի իրավիճակն օգտագործելով, մեկ միասնական դիտավորությամբ անձանց խմբի՝ «Բաց հասարակության ինստիտուտի օժանդակության հիմնադրամ» Հայաստանյան մասնաճյուղի աշխատակիցների, ինչպես նաև վերջիններիս և Ջորջ Սորոսի աշխատակիցներին սատարող անձանց նկատմամբ աշխարհայացքով և այլ հայացքներով պայմանավորված դիտավորությամբ հնչեցրել է բռնություն գործադրելու հրապարակային կոչեր և հրապարակայնորեն արդարացրել է նման բռնությունը:

Բացի այդ, Նարեկ Մալյանը, Հայաստանի Հանրապետությունում հետպատերազմյա իրադրությամբ պայմանավորված հասարակության մոտ առկա տրամադրությունները և սոցիալ-հոգեբանական խոցելի իրավիճակն օգտագործելով, անձանց խմբի՝ ՀՀ վարչապե Նիկոլ Փաշինյանի և ՀՀ իշխանության անդամների նկատմամբ քաղաքական հայացքներով պայմանավորված, դիտավորությամբ հրապարակայնորեն արդարացրել է բռնությունը՝ սպանությունը»։