Պուտինի որոշումների շնորհիվ մեզ հաջողվեց միասին կառավարել այդ սպառնալիքները. Փաշինյան

Քաղաքական 13:20 07/09/2022 Հայաստան

Պուտինի որոշումների շնորհիվ մեզ հաջողվեց միասին կառավարել այդ սպառնալիքները. Փաշինյան

Նիկոլ Փաշինյանն այսօր Վլադիվոստոկում Արևելյան տնտեսական ֆորումի (ԵՏՖ) լիագումար նիստում պատասխանել է այն հարցին, թե արդյոք Երևանը վախենում է երկրորդական պատժամիջոցներից՝ կապված Մոսկվայի հետ հարաբերությունների ակտիվացման հետ։

«Վախենալն այնքան էլ օգտակար դիրքորոշում չէ։ Մենք պետք է աշխատենք կառավարել ի հայտ եկող սպառնալիքները, և փորձենք ոչ միայն նկատել բացվող հնարավորությունները, այլ նաև աշխատել նոր հնարավորություններ բացելու ուղղությամբ։ Եվ այսօր մենք իսկապես տեսնում ենք դա:

«Իհարկե, մենք նույնպես շատ մտահոգված ենք նաև պարենային անվտանգության, էներգետիկ անվտանգության հարցերով... Մեզ մոտ նույնպես բարձր գնաճ է, և սա ուղղակիորեն ազդում է երկրի սոցիալական վիճակի վրա, բայց պետք է ասեմ, որ ընդհանուր առմամբ մենք ունենք կառավարելի վիճակ։ Խնդիր կա, բայց ճգնաժամային իրավիճակ չունենք։ Ուզում եմ ընդգծել, որ սա նաև Ռուսաստանի Դաշնության աջակցության շնորհիվ է»,- ասաց նա։

Նրա խոսքով, Հայաստանն ու Ռուսաստանի Դաշնությունը ակտիվորեն շփվել են ինչպես ԵԱՏՄ, այնպես էլ երկկողմ հարաբերությունների շրջանակներում։

«Պետք է ասեմ, որ տպավորված եմ օպերատիվությամբ, թե ինչպես է և՛ Վլադիմիր Վլադիմիրովիչը, և՛ Միխայիլ Վլադիմիրովիչն արձագանքել են հայկական կողմից բարձրացված հարցերին և խնդրանքներին։ Իսկապես, սա շատ կարևոր գործընկերություն է։

Ռուսաստանի Դաշնության նախագահի, Ռուսաստանի կառավարության ընդունած որոշումների շնորհիվ մեզ հաջողվեց միասին կառավարել այդ սպառնալիքները։ Միայն Հայաստանի համար շատ դժվար կլիներ կարգավորել»,- նշեց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: