Ձեր վստահելի աղբյուրը

«Գործող բանաձևով և օրենքով կենսաթոշակառուների որոշակի խումբ սեպտեմբերի 1-ից ավելի քիչ էր ստանում, քան սահմանված 3000 դրամ բարձրացումը և մենք որոշեցինք բարձրացնել նվազագույն կենսաթոշակի չաթը հասցնելով 31600 դրամի, որը կերաշխավորի, որ բոլորը մեր խոստացած 3000 դրամը կստանան»,- փոխվարչապետ Համբարձում Մաթևոսյանի հորդորով կառավարության այսօրվա նիստում տեղեկացրեց Աշխատանքի և սոցիալական հարցերի նախարար Նարեկ Մկրտչյանը:

Կառավարության նիստը վարող Համբարձում Մաթևոսյանը որոշեց, որ մինչ այդ ընդունված չզեկուցվող նախագծերի փաթեթից նախարարը ներկայացնի թոշակների նվազագույն չափը 100 դրամով բարձրացնելու մասին նախագիծը, որն արվել է նախորդ նիստում Նիկոր Փաշինյանի հանձնարարությամբ:

Նարեկ Մկրտչյանը հայտնեց, որ օգոստոսին ընդունված որոշմամբ նախատեսվում էր թոշակների բարձրացում մինչև 3 հազար դրամով և սեպտեմբերի 1-ից բազային կենսաթոշակի չափը 18 հազար դրամի փոխարեն սահմանվել է 21 հազար դրամ, իսկ նվազագույն կենսաթոշակի չափը 28600-ի փոխարեն՝ 31500 դրամ:

Նախարարը տեղեկացրեց, որ նիստում ընդունված որոշմամաբ պետական կենսաթոշակի նվազագույն չափը 31500 դրամից բարձրացվելու է մինչև 31600 դրամ, ինչը թույլ կտա այն թոշակառուներին, որոնց թոշակները սեպտեմբերի 1-ին բարձրացել էին 1900 կամ 2500 դրամ, հասցնել 3000 դրամի, իսկ նախորդ ամիս 3000 դրամիցպակաս  ստացած գումարը կստանան հոկտեմեբրի կենսաթոշակի հետ:

«Այս նախագծի ընդունման արդյունքում 16600 կենսաթոշակառուի, 5156 զինկենսաթոշակառուի և շուրջ 75 հազար նպաստառուների համար սեպտեմբերի 1-ից կավելանան նպաստներն ու կենսաթոշակները: 97 հազար շահառու սեպտեմբերի 1-ից կստանան 3000 դրամ ավել նպաստաները և թոշակները»,-հայտնեց նախարարը

ՀՀ փոխվարչապետ Համբարձում Մաթևոսյանն էլ հայտնեց, որ սոցիալական խնդիրների լուծման այդ կարևորագույն գործիքը տեղ է գտել կառավարութան 2021-26 թ ծրագրում, որով գործադիրը փորձում է կենսաթոշակի և նպաստների միջին չաթերը հավասարեցնել պարենային զամբյուղի արժեքներին: