Ձեր վստահելի աղբյուրը

Սեպտեմբերի 13-ին  գումարվելու է Երևան քաղաքի ավագանու 9-րդ նստաշրջանի 1-ին նիստը։ Օրակարգում է քաղաքապետի տեղակալ նշանակելու մասին:

«Երևան քաղաքում տեղական ինքնակառավարման մասին» օրենքի 48-րդ հոդվածի 3-րդ մասի համաձայն` քաղաքապետի տեղակալներին քաղաքապետի ներկայացմամբ նշանակում է ավագանին: Ելնելով վերոգրյալից` Երևան քաղաքի ավագանուն առաջարկվում է Երևանի քաղաքապետի տեղակալ նշանակել Տիգրան Ավինյանին»,- նշված է որոշման նախագծում։

Այս պահին Երևանի քաղաքապետն ունի չորս տեղակալ՝ առաջին տեղակալ Լևոն Հովհաննիսյան, տեղակալներ՝ Գևորգ Սիմոնյան, Ստեփան Մաչյան, Սուրեն Գրիգորյան։

Հիշեցնենք՝ «Քաղաքացիական պայմանագիր» կուսակցության վարչության անդամ, նախկին փոխվարչապետ Տիգրան Ավիանյանը օգոստոսի 17-ին, ով  «Սուրմալու» առևտրի կենտրոնում տեղի ունեցած ողբերգությունից 4 օր անց այցելել էր դեպքի վայր, լրագրողների հետ զրույցում հայտարարել էր, որ «Սուրմալուի» տարածք է եկել որպես ՔՊ վարչության անդամ և «Քաղաքացիական պայմանագիր» կուսակցության կողմից առաջադրվելիք Երևանի քաղաքապետի թեկնածու։

Հիշեցնենք, որ գործող քաղաքապետ Հրաչյա Սարգսյանը ընտրվել է  2021թ. դեկտեմբերի 22-ին ավագանու արտահերթ նիստում։