Ձեր վստահելի աղբյուրը

ՀԱՊԿ Հավաքական անվտանգության խորհուրդը արտահերթ նիստում առաջարկել է կազմակերպության շրջանակներում ստեղծել աշխատանքային խումբ՝ իրավիճակը վերլուծելու և հայ-ադրբեջանական սահմանին իրավիճակի սրման հետ կապված առաջարկներ մշակելու համար։ ՏԱՍՍ-ը հատնում է, որ հանդիպման արդյունքների մասին երեքշաբթի հայտնել է ԲելՏԱ գործակալությունը։

Գործակալության տվյալներով՝ հանդիպման ժամանակ առաջարկվել են քայլեր, որոնք կարելի է ձեռնարկել օպերատիվ կերպով ։ Դրանց թվում են ՀԱՊԿ գլխավոր քարտուղար Ստանիսլավ Զասի մեկնումը հակամարտության գոտի՝ պետությունների ղեկավարներին մանրամասն զեկույց պատրաստելու համար և ՀԱՊԿ քարտուղարության և Միացյալ շտաբի կազմից աշխատանքային խմբի ստեղծումը իրավիճակը վերլուծելու և զարգացնելու համար։ առաջարկներ ներկայացնելու համար:

ՀԱՊԿ նիստում բելառուսական առաջարկներ է հնչեցրել երկրի Անվտանգության խորհրդի պետքարտուղար Ալեքսանդր Վոլֆովիչը։

Հիշեցնենք, որ սեպտեմբերի 13-ին կեսգիշերն անց Ադրբեջանի ԶՈՒ ստորաբաժանումները հրետանային միջոցների, ականանետերի և ԱԹՍ-ների կիրառմամբ ինտենսիվ կրակ են բացել Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով հայ-ադրբեջանական սահմանի միանգամից մի քանի հատվածում տեղակայված հայկական դիրքերի վրա, ինչի հետևանքով կա պաշտոնապես հաստատված 49 զոհ։

Թշնամու  հարձակման օբյեկտ են դարձվել (հրետակոծվել են) Սյունիքի և Գեղարքունիքի մարզերի բնակավայրերը, Կապան-Ճակատեն ավտոճանապարհի վրա թիրախավորվել և խոցվել է շտապ օգնության տարբերանշանը կրող ավտոմեքենան։

Հայկական դիրքերի և բնակավայրերի ուղղությամբ հրետակոծության հետևանքով վիրավորում է ստացել քաղաքացիական երեք անձ, նրանցից մեկի առողջական վիճակը գնահատվում է ծանր, երկուսինը` բավարար: