Ձեր վստահելի աղբյուրը

ԱԺ Պատիվ ունեմ» խմբակցության քարտուղար Տիգրան Աբրահամյանը գրում է.

«ՊՆ հաղորդմամբ, որոշ ուղղություններով ադրբեջանական ստորաբաժանումները ձեռնարկել են դիրքային առաջխաղացման գործողություններ։

Սա նշանակում է, որ սահմանագծի տարբեր հատվածներում, հրետանու, ԱԹՍ-ների գործողություններից հետո ակտիվացվել են գրոհային ստորաբաժանումները։

Դժվար է հստակ ասել, թե դրանց վրա ինչ խնդիրներ են դրված, սակայն ակնհայտ է, որ Ադրբեջանը որպես նվազագույն խնդիր փորձելու է նոր բարենպաստ դիրքեր դուրս գալ՝ գերիշխող, վերահսկող նոր հնարավորություններ ապահովել ՀՀ ռազմավարական կոմունիկացիաների, ռեսուրսների և հանգույցների նկատմամբ»։

Նա նաև գրել է.

«Ադրբեջանն ակնհայտորեն ագրեսիայի է դիմել՝ ՀՀ տարածքային ամբողջականությունն ու անձեռնամխելիությունը վտանգի տակ դրել, իսկ իրադրության թիվ մեկ պատասխանատուն տարբեր գերտերությունների հետ զրույցում Ադրբեջանի գործողություններն ընդամենը «սադրիչ» է որակում։

Դեռ չեմ խոսում, որ Ադրբեջանն իր ողջ դիվանագիտական, քաղաքական, տեղեկատվական ռեսուրսը կիրառում է Հայաստանին ագրեսոր ներկայացնելու և նախահարձակ գործողությունների մեջ մեղադրելու համար»։