![](https://panorama.am/news_images/910/2729576_1/36590652_0_84_1600_984_1920x0_80_0_0_f0f638966f7c48d23da0cb0d1d29889b.thumb.jpg)
ԱՄՆ-ը Ռուսաստանին կոչ է անում ազդել Ադրբեջանի և Հայաստանի վրա՝ կանխելու էսկալացիան
ԱՄՆ-ը Ռուսաստանին կոչ է անում օգտագործել իր ազդեցությունը՝ թույլ չտալու Ադրբեջանի և Հայաստանի միջև իրավիճակի սրումը։ Այս մասին երեքշաբթի լրագրողներին հայտնել է ԱՄՆ Պետդեպարտամենտի մամուլի ծառայության ղեկավար Նեդ Փրայսը։ Լուրը հայտնում է ՏԱՍՍ-ը:
«Մենք կոչ ենք անում բոլոր նշանակալից խաղացողներին, այդ թվում՝ Ռուսաստանին, կառուցողական կերպով օգտագործել իրենց նշանակալի ազդեցությունը»,-պատասխանելով լրագրողների համապատասխան հարցին՝ ասել է նա:
Հիշեցնենք, որ սեպտեմբերի 13-ին կեսգիշերն անց Ադրբեջանի ԶՈՒ ստորաբաժանումները հրետանային միջոցների, ականանետերի և ԱԹՍ-ների կիրառմամբ ինտենսիվ կրակ են բացել Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով հայ-ադրբեջանական սահմանի միանգամից մի քանի հատվածում տեղակայված հայկական դիրքերի վրա, ինչի հետևանքով կա պաշտոնապես հաստատված 49 զոհ։
Թշնամու հարձակման օբյեկտ են դարձվել (հրետակոծվել են) Սյունիքի և Գեղարքունիքի մարզերի բնակավայրերը, Կապան-Ճակատեն ավտոճանապարհի վրա թիրախավորվել և խոցվել է շտապ օգնության տարբերանշանը կրող ավտոմեքենան։
Հայկական դիրքերի և բնակավայրերի ուղղությամբ հրետակոծության հետևանքով վիրավորում է ստացել քաղաքացիական երեք անձ, նրանցից մեկի առողջական վիճակը գնահատվում է ծանր, երկուսինը` բավարար:
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան