![](https://panorama.am/news_images/910/2729523_1/f6320cc106c225_6320cc106c266.thumb.jpg)
ՄԱԿ-ի գլխավոր քարտուղարը Հայաստանին և Ադրբեջանին երկխոսության կոչ է արել
ՄԱԿ-ի գլխավոր քարտուղարը խորապես մտահոգված է Հայաստանի և Ադրբեջանի սահմանին ռազմական գործողությունների վերսկսման մասին հաղորդագրություններով, և կողմերին կոչ է անում միջոցներ ձեռնարկել լարվածությունը նվազեցնելու համար։ Այս մասին ասված է ՄԱԿ-ի ղեկավարի անունից նրա մամուլի քարտուղարի տարածած հայտարարության մեջ։
«Նա կոչ է անում անհապաղ քայլեր ձեռնարկել լարվածությունը թուլացնելու, առավելագույն զսպվածություն ցուցաբերելու և մնացած բոլոր չլուծված խնդիրները երկխոսության և գոյություն ունեցող [բանակցային] ձևաչափերի շրջանակներում լուծելու համար»,- ասվում է հաղորդագրությունում։
Գլխավոր քարտուղար Անտոնիո Գուտերեշը նաև կոչ է արել լիովին հետևել նախկին պայմանավորվածություններին և աջակցություն հայտնել տարածաշրջանում շարունակվող միջնորդական ջանքերին։
Հիշեցնենք, որ սեպտեմբերի 13-ին կեսգիշերն անց Ադրբեջանի ԶՈՒ ստորաբաժանումները հրետանային միջոցների, ականանետերի և ԱԹՍ-ների կիրառմամբ ինտենսիվ կրակ են բացել Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով հայ-ադրբեջանական սահմանի միանգամից մի քանի հատվածում տեղակայված հայկական դիրքերի վրա, ինչի հետևանքով կա պաշտոնապես հաստատված 49 զոհ։
Թշնամու հարձակման օբյեկտ են դարձվել (հրետակոծվել են) Սյունիքի և Գեղարքունիքի մարզերի բնակավայրերը, Կապան-Ճակատեն ավտոճանապարհի վրա թիրախավորվել և խոցվել է շտապ օգնության տարբերանշանը կրող ավտոմեքենան։
Հայկական դիրքերի և բնակավայրերի ուղղությամբ հրետակոծության հետևանքով վիրավորում է ստացել քաղաքացիական երեք անձ, նրանցից մեկի առողջական վիճակը գնահատվում է ծանր, երկուսինը` բավարար:
Հարակից հրապարակումներ`
- Իրադրությունը հայ-ադրբեջանական սահմանին շարունակում է լարված մնալ. ՊՆ
- ՀԱՊԿ-ն Հայաստանի պահանջով հրավիրել է Հավաքական անվտանգության խորհրդի նիստ
- Ռազմական գործողությունները վտանգում են սահմանամերձ շրջանների բնակչության կյանքն ու անվտանգությունը․ ԿԽՄԿ
- ՀԱՊԿ հավաքական անվտանգության խորհրդի նիստ կանցկացվի
- Հայ-ադրբեջանական սահմանագծի որոշ հատվածներում իրադրությունը շարունակում է լարված մնալ․ ՊՆ
- Բաքվի հետևում կանգնած է Թուրքիան. Զատուլին
- ՀԱՊԿ. Հայաստանի դիմումի առնչությամբ կազմակերպվել են սահմանային իրավիճակի կարգավորման մեխանիզմների գործարկման աշխատանքներ
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան