Ձեր վստահելի աղբյուրը

Ժամը 15։00-ի դրությամբ իրադրությունը հայ-ադրբեջանական սահմանագծին կրկին ծայրահեղ լարվել է։ Ժամը 13։00-ից սկսած՝ Սոթքից մինչև Գորիս ընկած ամբողջ սահմանագծով թշնամին վերսկսել է ինտենսիվ հրթիռահրետանային հարվածները՝ թիրախավորելով խաղաղ բնակավայրերը, լայնորեն կիրառելով նաև հարվածային ԱԹՍ-ներ։  Այս մասին ասվում է ՀՀ պաշտպանության նախարարության հայտարարության մեջ։

«Հատկանշական է, որ հարվածներ են հասցվել նաև մարտական գործողությունների գոտում հումանիտար առաքելություն իրականացնող ՌԴ Անվտանգության Դաշնային ծառայության տրանսպորտային միջոցներին։ Սա հերթական վկայություն է, որ չնայած պաշտոնական Բաքվի  հայտարարություններին, ադրբեջանական Զինուժը տարբերություն չի դնում թիրախների միջև»,- նշվում է հայտարարության մեջ։

Հրթիռահրետանային հարվածներին զուգահեռ, ըստ ՊՆ-ի, ադրբեջանական ստորաբաժումները վերկսկսել են նաև դիրքային առաջխացաման փորձերը։

ՀՀ ԶՈՒ-ն ձեռնարկում են անհրաժեշտ բոլոր միջոցները՝ թշնամուն համարժեք պատասխանելու համար։

«Ադրբեջանական ռազմական ագրեսիայի ֆոնին հաճախակի են դարձել դեպքերը, երբ բազմաթիվ քաղաքացիներ և մասնավոր ընկերություններ, փորձելով օգտակար լինել մարտական գործողությունների ընթացքում վիրավորում ստացած զինծառայողներին, սեփական նախաձեռնությամբ տարբեր դեղամիջոցներ և սնունդ են ձեռք բերում՝ այն զինվորական հոսպիտալներին փոխանցելու նպատակով:
ՊՆ-ն բարձր է գնահատում մեր համաքաղաքացիների պատրաստակամությունը հնարավորության սահմաններում օգտակար լինել բանակին: Այդուհանդերձ, վստահեցնում ենք, որ բոլոր հոսպիտալներն ապահովված են զինծառայողների բուժումը պատշաճ  կերպով կազմակերպելու համար»,- նշվում է ՊՆ հայտարարության մեջ: