Ձեր վստահելի աղբյուրը

ՄԱԿ-ի Անվտանգության խորհրդի անդամները չորեքշաբթի օրը կայացած հանդիպման ժամանակ կոչ են արել շուտափույթ հրադադար հաստատել Բաքվի և Երևանի միջև: Պատրաստվում է Անվտանգության խորհրդի հայտարարություն « տարրեր մամուլի համար» ձևաչափով։ «ՌԻԱ նովոստի»-ին հայտնում է, որ այդ մասին լրագրողներին հայտնել  է ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան:

«Բոլորը միահամուռ հանդես են եկել կրակի շուտափույթ դադարեցման և քաղաքական ու դիվանագիտական միջոցներով իրավիճակի կարգավորման օգտին: Այժմ քննարկվում են «մամուլի համար նախատեսված տարրերը», փորձագետները վերջնական տեսքի են բերում դրանք»,-ասել է Նեբենզյան։

Նրա խոսքով՝ Մոսկվան պնդում է, որ մամուլի այդ տարրերը պետք է անպայման հղում պարունակեն Ռուսաստանի, Հայաստանի և Ադրբեջանի նախագահների 2020 և 2021 թվականների եռակողմ հայտարարություններին, որոնք հիմք են հանդիսանում երկու երկրների հարաբերությունների կարգավորման համար, պարունակում են հրադադարի պարտավորություններ և մի շարք նախագծեր, որոնք պետք է ձեռնարկեն կողմերը։

«Մենք պատմել ենք այն ջանքերի մասին, որոնք Ռուսաստանը գործադրել է ինչպես անհատապես, այնպես էլ ՀԱՊԿ-ի միջոցով իրավիճակի կարգավորման և զինադադարի հասնելու համար, այն ջանքերի մասին, որոնք ՀԱՊԿ-ն կներդնի Հավաքական անվտանգության խորհրդի նիստից հետո: Գործընկերները շնորհակալություն հայտնեցին մեզ այս տեղեկությամբ կիսվելու, մեր գործադրած ջանքերի համար»,-հավելել է նա։