Ձեր վստահելի աղբյուրը

«Կատարվածի մեջ կա աշխարհաքաղաքական կոնտեքստ, որովհետև Ադրբեջանը բավական երկար ժամանակ վարում է մի որոշակի քաղաքականություն»,-պատասխանելով ադրբեջանական ագրեսիայի հիմքում աշխարհաքաղաքական գործոնի առկայության մասին հարցին՝ ԱԺ-ում հայտնեց Նիկոլ Փաշինյանը և բացատրեց վարվող քաղաքականության էությունը:

Նրա խոսքով՝  Ադրբեջանը Արևմուտքում Հայաստանը ներկայացնում է խիստ ռուսամետ պետություն, իսկ Մոսկվայում՝ արևմտամետ:

«Ադրբեջանը արևմուտքում փորձում է առաջ մղել Հայաստանում Ռուսաստանի դեմ երկրորդ ճակատ բացելու գաղափարը՝ Ուկրաինայի շուրջ ստեղծված հարցի համատեքստում»,-ասաց գործադիրի ղեկավարը և շարունակեց. «Ռուսաստսնի հետ հաղորդակցություններում  էլ Հայաստանը ներկայացնում է խիստ արևմտամետ և ԵՄ-ի հետ սերտ հարաբերություններ ունեցող և փորձում է Ռուսաստանում ստեղծել ըմբռնում, որ գուցե իմաստ ունի Հայաստանին պատժել Արևմտամետ քաղաքականության համար և փորձ է անում նաև Ռուսաստանում ըմբռնում ստեղծել Հայաստանի նկատմամբ ագրեսիվ քաղաքականության համար: Ես չեմ բացառում, որ և՛ Արևմուտքում, և՛ Ռուսաստանում կան որոշակի շրջանակներ, որոնց այդ գաղափարները դուր են գալիս կամ իրենց մտածածին համահունչ են:

Ես հույս ունեմ և համոզված եմ, որ պետական մակարդակում նման ընկալում չկա, քանի որ եթե նկատել եք, մենք այդ առումով բավականին ինտենսիվացրել ենք քաղաքական շփումները և Արևմուտքի և Ռուսաստանի հետ՝ նրանց բացատրելու, որ այդ խոսույթն բացարձակապես կապ չունի իրականության հետ, որովհետև այսպիսի ասացվածք կա. «Կիսաճշմարտությունն ավելի վտանգավոր է քան սուտը»:

Այն որ Հայստանը Ռուսաստանի հետ շատ սերտ ռազմաքաղաքաան հարաբերություններ ունի, այն փաստ է, այն  չի կարելի հերքել: Այն որ Հայատանը ինտենսիվ շփումներ ունի Արևմտյան երկրների հետ, ԵՄ-ի հետ մենք շատ սերտ  համագործակցում ենք, ԱՄՆ-ի հետ ռազմավարական երկխոսում ենք, դա էլ է փաստ, բայց այն համատեքստը, որը փորձում է ներկայացնել Ադրբեջանը, բացարձակապես կապ չունի իրականության հետ, որովհետև Հայաստանն անկախ, ինքնիշխան պետություն է, պրոքսի պետություն չէ, որը հավատարիմ է իր պարտավորություններին»: