Ձեր վստահելի աղբյուրը

«Եթե ես խորանամ՝ պետք է հասնեմ այնտեղ, որ քրեական ենթամշակույթի ներկայացուցիչներն ազդում են քրեական գործերով ցուցմունքներ տվող անձանց ազատության վրա»,-ԱԺ ում հայտարարեց ՍԴ անդամի թեկնածու Սեդա Սաֆարյանը, պատասխանելով ՔՊ-ական պատգամավոր Հովիկ Աղազարյանի հարցին:

Հայտնելով, որ վերջիններս հասարակության մեջ լուծում են իրենց չվերաբերող շատ խնդիրներ՝ ՍԴ անդամի թեկնածուն պնդեց, որ քրեական ենթամշակույթ կրողները դառնում են հասարակության մեջ կոնֆլիկտների և միմյանց կյանքից զրկելու լուրջ հիմքեր:

Սեդա Սաֆարյանը հայտնեց, որ Քրեական նոր օրենսգրքում նորմ կա, որն կարգավորում է քրեական ենթամշակույթ ունեցեղների խնդիրները:

Նա չցանկացավ խնդրին ավելի մանրամասն անդրադառնալ, քանի որ այդ հարցով իրավական նորմի սահմանադրականության մասին գործ կա ՍԴ-ում:

«Եթե ես հնչեցրածից ավելին ասեմ, ապա կզրկվեմ ՍԴ-ում այդ հարցին հնարավոր առնչությունից»,-ասաց Սաֆարյանը:

Հովիկ Աղազարյանը հետաքրքրվեց, թե ՍԴ անդամի թեկնածուն ինչպե՞ս է վերաբերում ՍԴ-ն Գերագույն դատարանով փոխելու հնարարվորությանը:

«Ինչ իմ եկրի համար հարմար է, եթե Հայաստանի Հանրապետությունը, հասրակությունը և իրավական համակարգը լուրջ պատճառաբանություններով ու հիմնավորումներով կհանգեն հետևության, որ մեզ ՍԴ պետք չէ, այլ պետք է Գերագույն դատարան,  որտեղ միավորված կլինեն ՍԴ և Վճռաբեկ դատարանի դատավորները, ինձ համար ընդունելի է»,-ասաց ՍԴ անդամի թեքնածուն՝ հայտարարելով, որ իր համար կարևորը դատավորների աշխատանքի որակի ու լիազորությունների պահպանումն է:

Նա նաև տեղեկացրեց, որ սահմանադրական փոփոխությունների հանձնաժողովը եթե նման փոփոխությունների անհրաժեշտություն գտնի, ապա ինքը ոչ մի խնդիր չի տեսնի նրանում: