Ձեր վստահելի աղբյուրը

Ազգային ժողովի դիմաց սկսում են հավաքվել քաղաքացիները՝ Նիկոլ Փաշինյանի հրաժարականի պահանջով բողոքի ակցիա անցկացնելու նպատակով։ 

ԱԺ-ի դիմաց մեծ թվով  Ոստիկանության ուժեր են կենտրոնացված։

Հիշեցնենք, որ երեկ ԱԺ-ում Նիկոլ Փաշինյանի ելույթը վրդովեցրեց քաղաքացիներին  և ինքնաբուխ հավաք եղավ Ազգայի Ժողովի դիմաց։ ԱԺ ընդդիմադիր խմբակցությունների 35 պատգաավոր ստորագրեցին Նիկոլ Փաշինյանին ու Կառավարությանն անվստահություն հայտնելու գործընթացը։

Փաշինյանը, մասնավորապես, ասել է․

«Ես իմ վրա վերցրել եմ պատասխանատվություն՝ գնալու ծանր որոշումների՝ հանուն խաղաղության։ Բայց «ծանր որոշումներ» չի նշանակում ՀՀ պետական շահերին հակասող որոշումներ։ Մենք էդ որոշումներին պիտի գնանք երաշխավորելու համար ՀՀ անվտանգությունը, տևական կայունությունը, խաղաղությունը։ Մենք չենք կարող էսօր վերնագրերի ներքո գրել «խաղաղության պայմանագիր», տակը ստորագրենք, որից 6 ամիս հետո պատերազմ սկսվի։

Մենք ուզում ենք ստորագրել մի թուղթ, որի արդյունքում մեզ լիքը մարդ կքննադատի, լիքը մարդ կհայհոյի, լիքը մարդ դավաճան կասի, նույնիսկ կարող ա ժողովուրդը որոշի մեզ իշխանությունից հեռացնել, էլի գոհ ու շնորհակալ կլինենք, որ դրա արդյունքում ՀՀ-ն 29,800 քմ/կմ տարածքով ստանա տևական խաղաղություն և անվտանգություն։

Ես շատ հստակ ասում եմ՝ էն որոշումը, որ սա ապահովելու ա, ես այդ որոշումը, շատ հստակ ասում եմ, ստորագրելու եմ։ Ու ինձ չի հետաքրքրում՝ ինչ կլինի հետո ինձ հետ, ինձ հետաքրքրում է՝ ինչ կլինի հետո ՀՀ-ի հետ»։