Ձեր վստահելի աղբյուրը

«Մենք պետք է արձանագրենք, որ իրադրությունը մնում է լարված, և Անվտանգության խորհրդի ֆորմատով քննարկել ենք Հայաստանում ռազմական դրություն մտցնելու նպատակահարմարությունը և եկել այն եզրակացության, որ այս պահին նման որոշման պետք է չգնանք», կատավարության նիստում հայտարարեց Նիկոլ Փաշինյանը:

Նրա խոսքով՝ բազմաթիվ քաղաքացիներից առաջարկներ են ստացվում, որ նրաք սպասում էին ռազմական դրությանսահմանման, որպեսզի մասնակցեն  երկրի ինքնիշխանության և տարածքային ամբողջականության պաշտպանությանը:

Փաշինյանըտեղեկացրեց, որ ԱԽ նիստում դա էլ է քննարկվել, և եկել են այն եզրակացության, որ եթե կան մարդիկ, որոնք ուզում են ներգրավված լինել այս փուլում, նրանք կարող են  սովորական ընթացակարգով, կամավորության հիմքով դիմել զինկոմիսարիատներ, և այդ խնդիրը կլուծվի:

«Նախկինում կայացրած որոշումների շրջանակներում եռամսյա հավաքների գործընթացը շարունակական է, ուժի մեջ է, և կան բոլոր օրենսդրական հիմքերը՝ որոշումները՝ կամավորության հիմունքներով քաղաքացիներին ներգրավելու ծառայության մեջ»,-հայտնեց գործադիրի ղեկավարը:

Արփձագանքելով Նիկոլ Փաշինյանին՝ Սուրեն Պապիկյանը հայտնեց, որ Աշխարհազորի մասին օրենքը, եռամսյա հավաքների մասին Կառավարության ընդունած որոշումները և «Պաշտպանության մասին» օրենքի 29-րդ հոդվածն նման հնարավորությունները տալիս են, և բոլոր այն քաղաքացիները, որոնք ուզում են կամավորության հիմունքներով զինվորագրվել, զինկոմիսարիատները պատրաստ են նրանց ընդունելու, հետո տեղորոշելու ըստ վայրերի: