Ձեր վստահելի աղբյուրը

ՄԱԿ-ում ՀՀ ներկայացուցիչը երեկ հայտարարեց, որ կա նոր սպառնալիք Նախիջևանի ուղղությունից, ինչը նշանակում է՝ կարող է և պատերազմի մասշտաբները մեծանալ, և կիրառվող զինանոցն ընդլայնվել։ Խորհրդարանում  հայտարարեց «Պատիվ ունեմ» խմբակցության պատգամավոր Տիգրան Աբրահամյանը։

Պատգամավորի խոսքով՝ այս պահին, թեև հարաբերական դադար է առաջնագծում, բայց դեռևս պարզ չէ, թե ինչ իրական դրդապատճառներ դա ունի։

«Արդյոք դա պայմանավորվա՞ծ է Հայաստանի իշխանությունների առաջարկներով կամ որևէ բանավոր պայմանավորվածությամբ, որը կարող է ինչ-որ փուլում երաշխիքներից վերածվել իրավական ուժ ունեցող որևէ փաստաթղթի, թե՞ դա պայմանավորված է առաջնագծի տարբեր ուղղություններով, այդ թվում՝ Նախիջևանի ուղղությամբ տեղի ունեցող վերախմբավորումներով։ Բնականաբար, դա կարող է նոր սպառնալիքներ ստեղծել և Հայաստանի, և Արցախի համար», - նշեց Տիգրան Աբրահամյանը։