Ձեր վստահելի աղբյուրը

ՀՀ վիճակագրական կոմիտեի հրապարակած տվյաների համաձայն՝ այս տարվա հունվար-հուլիսին Հայաստանում արտադրվել է 5 մլրդ 117.7 մլն կՎտ/ժ էլեկտրաէներգիա, ինչը 2021 թվականի նույն ժամանակահատվածի համեմատ ավելացել է 14.9 %-ով։

Մասնավորապես, ինչպես Panorama.am-ը տեղեկանում է Վիճկոմիտեից, Հայաստանի ատոմային էլեկտրական կայանը (ՀԱԷԿ) 7 ամիսներին արտադրել է 1 մլրդ 416.8 մլն կՎտ ժամ էլեկտրաէներգիա՝  2021թ-ի հունվար-հուլիսի համեմատ աճելով 14.5%-ով։

Նշված ժամանակահատվածում 56.7%-ով ավելացել է հողմային էներգիայի արտադրությունը՝ կազմելով 1.2  մլն կՎտ ժամ, ՋԷԿ-երի արտադրությունը՝ 33.5%-ով (2 մլրդ 247.0 մլն կՎտ ժամ)։

Միաժամանակ, ըստ վիճակագրության, նշված ժամանակահատվածում 10.7%-ով նվազել է ՀԷԿ-երի արտադրությունը՝ կազմել 1 մլրդ 323.9 մլն կՎտ ժամ։

2022թ-ի հունվար-հուլիսին հանրապետությունում արևային էլեկտրակայաններն արտադրել են 128.8 մլն կՎտ ժամ էլեկտրաէներգիա՝ 2021 թվականի նույն ժամանակահատվածի համեմատ աճելով 2.6 անգամ։