Ձեր վստահելի աղբյուրը

Հնդկաստանի հյուսիսային շրջաններում վտանգավոր եղանակի հետևանքով վերջին մեկ օրվա ընթացքում մահացել է 36 մարդ, որից 12-ը կայծակի հարվածից։  The Guardian-ի փոխանցմամբ, Հյուսիսային Ուտար Պրադեշ նահանգում առնվազն 24 մարդ մահացել է անդադար անձրևներից տների փլուզման հետևանքով։

Ուրբաթ երեկոյան 15-ամյա Մուհամեդ Ուսմանը ընկերոջ հետ եղել է նրանց տանիքում։ Կայծակի հարվածից Ուսմանը տեղում մահացել է, ընկերը՝ Ազնան հիվանդանոց տէ տեղափոխվել։

«Հենց նրանք ոտք դրեցին տանիքին, կայծակ որոտաց։ Իմ որդին մահացավ»,-ասել է Ուսմանի հայրը՝ Մոհամմադ Այուբը:

Պաշտոնական տվյալներով, Հնդկաստանում վերջին 5 օրերի ընթացքում 39 մարդ է մահացել։ Սա իշխանություններին դրդել է պատրաստել նոր ուղեցույցներ, որոնք պարունակում են խորհուրդներ, թե ինչպես պաշտպանվել ամպրոպի ժամանակ: Հունիս-սեպտեմբեր ընկած շրջանում կայծակի հարվածները սովորական են Հնդկաստանի համար։

Անցած տարում Հնդկաստանում կայծակի հարվածների 34 տոկոս աճ է գրանցվել, ինչը հանգեցրել է մահվան դեպքերի ավելացման։  2016 թվականին Հնդկաստանում  գրանցել էր կայծակի հետևանքով մահվան 1. 489 դեպք, իսկ 2021-ին՝  2.869 դեպք։