Ձեր վստահելի աղբյուրը

«Մենք ինֆորմացիա չունենք, թե ինչ պրոցեսներ են տեղի ունենում, դա գիտի միայն Նիկոլ Փաշինյանը, Նիկոլը և գուցե մի երկու-երեք հոգի, որ գիտեն ողջ ճշմարտությունը, մենք չգիտենք, թե ինչ է պահանջվում Հայաստանից»,-ասաց ՀՀ առաջին նախագահ, ՀԱԿ առաջնորդ Լևոն Տեր-Պետրոսյանն Առաջին ալիքին տված հարցազրույցում։

Նրա խոսքով, լուծումներ գտնելու համար պետք է վստահություն առաջացնեն, որպեսզի գործը գլուխ գա։

«Բոլոր լուծումներն էլ վատն են, իմ առաջարկն է, դրանցից ընտրել ամենաքիչ ցավալին»,-ասաց Տեր-Պետրոսյանը։

Նրա խոսքով, Փաշինյանը վախենում է  ստորագրել փաստաթուղթ, որովհետև ինչ էլ ստորագրի, ըստ նրա, որակելու են թուրք ու դավաճան։

«Ես պատրաստ եմ պատասխանատվություն ստանձնել այս որոշման համար, դրա համար բացարձակ անկեղծություն է պահանջվում, պետք է մի կողմ թողնել կուսակցական, կարիերիստական մղումները։ Ես չեմ վախենում պատասխանատվությունից»,-ասաց Տեր-Պետրոսյանը։