![](https://panorama.am/news_images/912/2734905_1/img_18042020_130125_790_x_444_2775_thumb_v1_1.thumb.jpg)
Արթուր Ղազինյան. Օվերտոնի պատուհանները պետք է փակել
«Մեկ Հայաստան» կուսակցության նախագահ, ԱԺ նախկին պատգամավոր Արթուր Ղազինյանը գրում է.
«Օվերտոնի պատուհանները պետք է փակել ու դա պետք է անեն նախ և առաջ այս իշխանության ընդդիմախոսները.
Շատերդ լսել եք օվերտոնի պատուհանի մասին, որը օգտագործվում է հանրության շրջանում տաբուները կոտրելու և հակապետական թեզերը տարածելու համար:
Պարզ օրինակ. մի հիմար (ծախու արարած) կին հայտարարում է, որ «Արցախը հայկական չէր ու այն պետք էր վերադարձնել ադրբեջանին»: Հանրության առողջ մտածող հատվածը սկսում է սուր քննադատել այս կնոջը՝ դրանով իսկ տարածելով այդ դավաճանական թեզը և այն դարձնելով համընդհանուր քննարկման առարկա:
Արդյունքում ստանում ենք լայնորեն տարածված մի թեզ, որն այլ իրավիճակում ուղղակի չէր կարող գոյություն ունենալ, ինչը հմտորեն օգտագործվում է իշխանության կողմից հանրությունը պառակտելու և իր կատարած դավաճանական գործողությունները լեգիտիմցնելու համար:
Մեկ այլ օրինակ. մի հոգեկան հիվանդ կին տեսախցիկի առաջ ասում է, որ «ավելի լավ է թուրքերը գան մեզ մեր ու մանուկով կոտորեն, բայց նախկինները չվերադառնան»: Սա կատարյալ էշություն է, որը նույնիսկ չի կարելի լսել, ուր մնաց թե քննարկել: Բայց դյուրագրգիռ հանրությունը լծվում է այդ կնոջը քննադատելու և ակամայից այդ հիմարությունը տարածելու գործին: Արդյունքում հանրության մի զանգվածի մոտ ձևավորվում է կարծիք, որ «նախկինները ավելի վատն են, քան թուրքերը»:
Օվերտոնի պատուհանի միջոցով թշնամին վարկաբեկում է մեզ մեր աչքերում, առաջացնում խորը հիասթափություն մեր ժողովրդի նկատմամբ, ինչ որ տեղ նաև ատելություն մեդիա-ահաբեկչության տակ ընկած և ինքնուրույն մտածելու կարողություն չունեցող մարդկանց հանդեպ: Սա շատ վտանգավոր է, քանի նախ չունի օբյեկտիվ հիմքեր, և երկրորդը զրկում է պայքարելու և ինչ որ բան փոխելու մոտիվացիայից:
Ամփոփելով վերը նշվածը, իմ բոլոր ընկերներին, համախոհներին, ազնիվ ու հայրենասեր Հայ մարդկանց խնդրում, հորդորում ու պահանջում եմ դադարեցնել հիմարությունները տարածելը, քննադատելը, հայհոյելը, ժողովրդի մի հատվածին վիրավորելն ու անպատվելը:
Դրանով դուք ոչ մի բան չեք փոխում, նույնիսկ ավելին. ամրապնդում եք այս իշխանության դիրքերը, օգնում եք սրանց պառակտել մեզ, թշնամացնել իրար հետ և իրագործել իրենց ծրագրերը:
Դե իսկ հիմարներ ու դավաճաններ բոլոր ազգերում էլ կան . . .
Հ.Գ. Արդյունավետ ու անվտանգ շաբաթ եմ մաղթում բոլորիս»։
Հարակից հրապարակումներ`
- Արթուր Ղազինյան. Ի՞նչ կփոխի իշխանափոխությունը Հայաստանում
- Արթուր Ղազինյան. Երբեք չպետք է դադարես պատրաստվել պատերազմի
- Ի հեճուկս ներքին և արտաքին թշնամիների, Արցախը կա, ապրում է. Ղազինյան
- Ղազինյան. Դատախազն իր պաշտոնավարման ավարտին որոշել է ՀՀ գերագույն դավաճանին սպառնալ մահապատժով
- Ղազինյան. Գործընթացը մոտենում է հատման կետին, իսկ «մոդերատորը» ավարտում է իր առաքելությունը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան