Ձեր վստահելի աղբյուրը

Լեհաստանը, Թուրքիան, ԱՄՆ-ը և մի շարք այլ երկրներ Ուկրաինայում ռազմական գործողությունների հարցում «անվճռական» դիրքորոշման պատճառով Գերմանիային սկսել են համարել ոչ այնքան վստահելի գործընկեր։ «Գազետա ռու»-ն գրում է, որ  այդ մասին հայտնում է Welt ամսագիրը՝ վկայակոչելով գերմանական Marshall Fund վերլուծական կենտրոնի ուսումնասիրությունը։

Հոդվածում ասվում է, որ Լեհաստանից հարցվածների կեսից միայն մի փոքր ավելին է այո պատասխանել այն հարցին, թե արդյոք Գերմանիան վստահելի գործընկեր է, այս ցուցանիշը 15%-ով պակաս է նախորդ տարվա համեմատ։

Հետազոտության հեղինակ Գեզին Վեբերի խոսքով՝ Գերմանիայի վստահության մակարդակի վրա ազդել է «Հյուսիսային հոսք 2» գազատարի նախագծին նրա երկարաժամկետ աջակցությունը և «սպասողական դիրքորոշումը» Ուկրաինային զենքի մատակարարման հարցում։

Հարցման համաձայն՝ ԱՄՆ-ում հարցվածների 59%-ը Գերմանիային վստահելի գործընկեր է համարում, ինչը 9%-ով ցածր է նախորդ տարվա համեմատ, իսկ Թուրքիայում՝ 43%-ը, ինչը 11%-ով պակաս է, քան մեկ տարի առաջ։