Զոհերի ցանկը չհրապարակելը չի նշանակում,որ գաղտնի է պահվում դա․ Փաշինյան
«Պետք արձանագրել, որ սահմանին իրավիճակը լարված է և այս պահին այն կայուն պահպանվում է։ Հաշվի առնելով Ադրբեջանի հռետորաբանությունը, իհարկե նոր սադրանքները բացառված չեն»,-ասաց Նիկոլ Փաշինյանը։
Նա պատասխանեց նաև այն հարցին, թե ինչու զոհերի ցուցակ մինչ այսօր չի հրապարակվել։
«44-օրյա պատերազմի փորձը հաշվի առնելով, մենք եկել ենք եզրակացության, որ ճիշտ է զոհվածների անունները ինստիտուցիոնալ մեխանիզմով հրապարակել։ Զինծառայողների ապահովության հիմնադրամում զինծառայողների ցուցակն է, անունները հրապարակվում է այնտեղ։ 44-օրյա պատերազմի զոհերի անունները նույնպես հրապարակվել է այնտեղ։Զոհերի ցանկը չհրապարակելը չի նշանակում,որ գաղտնի է պահվում դա։ Բնականաբար նույնականացված զոհերի ընտանիքները տեղեկացված են»։
Անդրադառնալով նախկին նախագահների հանդիպմանը և Լևոն Տեր-Պետրոսյանի կողմից բարձրաձայնված այն առաջարկին, որ պետք է հանդիպեն ընդդիմությունն ու իշխանությունը և բանակցային գործընթացի մասին մանրամասնությունների տիրապետում է Նիկոլ Փաշինյանը ՝ նեղ շրջանակով,Փաշինյանն արձագանքեց․
«Եթե կա համատեքս,թե իշխանությունը ի վիճակի չէ պատասխանատվություն վերցնել և նրան պետք է ինչ-որ բանի համար օգնել՝ պատասխանատվություն վերցնելով, կարող եմ ասել, որ իշխանությունը գիտակցում է կառավարություն երկրի ճակատագրի հանդեպ ունեցած պատասխանատվությունը և այդ պատասխանատվությունը պատրաստ ենք վերցնել։ Խոսք է գնում, որ բանակցային գործընթացի մասին տեղյակ է մարդկանց նեղ շրջանակ, դա թյուրիմացություն է։ Բանակցային գործընթացի մասին տեղյակ են բավականին լայն շրջանակի մարդիկ։
Ոչ միայն մեր թիմակիցներն են տեղյակ, ՔՊ կուսակցություն, Անվտանգության խորհուրդն ամբողջությամբ տեղյակ են, ավելին ասեմ՝ Լեռնային Ղարաբաղի իշխանություններն ամբողջությամբ տեղյակ են։ ես հարկ եմ համարում, որ ԼՂ նախագահը որևէ բանակցությունում իմ արտասանած որևէ նախադասությունից անտեղյակ չի, նա տեղյակ է։ Ինչ վերաբերում է ընդդիմությանն ու քաղաքական մյուս ուժերին, ես ճիշտ եմ համարում, որ պետք է տեղյակ պահեմ ԼՂ նախագահին, գիտեմ, որ նա էլ իր հերթին տեղյակ է պահում առնվազն Անվտանգության խորհրդին ու նախկին բարձրաստիճան պաշտոնյաներին։
Ուզում եմ ընդգծել, որ ձեր նշած խորհրդակցության անդամների մի մասն իմ կարծիքով տեղյակ է ամբողջությամբ բանակցային պրոցեսից, մյուս մասը՝ տեղյակ լինելու հնարավորություն միշտ էլ ունեցել է, որովհետև ես միշտ պատրաստակամություն եմ հայտնել, մասնավորապես խորհրդարանական ընդդիմության ներկայացուցիչներին ներկայացնել բանակցություններն ամբողջությամբ։
Ռոբերտ Քոչարյանն ու Սերժ Սարգսյանը համապատասխանաբար երկու խմբակցությունների լիդերներն են, նրանք հրաժարվել են այդ տեղեկատվությունը ստանալ։ Լևոն Տեր-Պետրոսյանի ղեկավարած ուժը նույնպես հրաժարվել ստանալ այդ տեղեկավությունը, որովհետև ես այդ տեղեկատվությունը կիսում եմ արտախորհրդարանական ուժերի ներկայացուցիչների հետ և ժամանակին հրավեր է եղել «Հայ ազգային կոնգրես»-ին մասնակցել այդ ֆորմատին, նրանք հրաժարվել են մասնակցել»։
Փաշինյանն ասում է՝ քանի դեռ ձևակերպված առաջարկ չկա, արձագանքելու հարկ չի համարում։
Ի՞նչ գործուն քայլեր են արվում, որպեսզի հայտարարությունները դառնան գործողություններ։
«Երաշխավորված անվտանգություն կարող է ապահովել միայն խաղաղությունը։ Այսինքն՝ քանի դեռ չունենք համապարփակ խաղաղություն, մենք համապարփակ անվտանգության մասին չենք կարող խոսել։ Հետևաբար, մեր բոլոր ջանքերը, նույնիսկ ամենասուր իրավիճակներում, ուղղված են խաղաղությանը։ Եթե կարծում ենք, որ սահմանների անձեռնմխելիությունը պետք է պաշտապանվի այդ թվում բանակի ջանքերով և դիվանագիտական միջոցներով, այդ գործողություների հեռաահար նպատակը խաղաղությունն է։ Հաջորդ գործիքը հետևյալն է՝ փորձում են այնպես անել, որ մեր դիրքորոշումները հստակ լինեն միջազգային հանրությանը և իրավիճակի մասին միջազգային հանրությունը հնարավորինս օբյեկտիվ տեղեկատվություն ստանա»։
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
