Ձեր վստահելի աղբյուրը

«Ձեր գերեզմանին միզելու է արժանապատիվ երիտասարդը, որը թքած է ունենալու այն մշակութային ժառանգության վրա, որ թողել եք դուք, որովհետև՝ երբ որ հայրենիքը կանգնած է անկման եզրին, դուք քաղաքականությամբ չեք զբաղվում»,-ասուլիսում նման գնահատական տվեց ԱԺ նախկին պատգամավոր Նաիրա Զոհրաբյանը՝ անդրադառնալով մշակույթի գործիչների այսօրվա լռությանը:

Անցնելով ներքաղաքական գործընթացներին՝ նա հիշեց, որ 2018 թվականի հոկտեմբերի 2-ին Նիկոլ Փաշինյանի հրահանգով ցուցարարները գրոհել եին ԱԺ շենքը և երբ հոկտեմբերի 3-ին նրանք հեռացել են շենքից, հավաքարարներն այնտեղ հայտնաբերել են ներարկիչներ, օղու շշեր և այլ «զզվելի» բաներ:

«Տրանսգենդերներից մեկն ամբոխի միջից ինձ ասաց՝ որ քեզ մորթեն, այդ քո սիրուն շորիկը ես վերցնելու եմ»,-հիշեց Զոհրաբանը և տեղեկացրեց, որ հետագայում ինքն այդ տրանսգենդերին տեսել է  պաշտոնապես բացված տրանսգենդերների ակադեմիայում:

Նա նաև հիշեց, որ հետագայում եղան նաև այլ գերատեսչությունների, դատարանների վրա գրոհները, ինչը ողջունվել էր միջազգային կառույցների կողմից:

Նախկին պատգամավորն անդրադարձավ նաև համացանցում տարածված հայ ռազմագերիների գնդակահարության տեսանյութին. «Արդեն ճշտված է, որ գնդակահարությունը տեղի է ունեցել Նիկոլ Փաշինյանին ընտրած Իշխանասարի դիրքերում, դիմահար գնդակահարել են 7-8 հայ զինվորի, որոնց մի մասը չկային Նիկոլ Փաշինյանի հրապարակած ցուցակում»:

Արձանագրելով, որ կատարվածը ռազմական հանցագործություն է՝ նախկին պատգամավորը նկատեց, որ այդ իրավիճակում Արարատ Միրզոյանը Ջեյհուն բայրամովի հետ խոսում է խաղաղության պայմանագրի մասին:

«Ինձ տեղեկատվություն եկավ, որ երբ ես նախորդ ասուլիսում ասել եմ՝ ամաչում եմ Իշխանասարի և Սիսիանի այն ՀՀ անձնագիր ունեցողների համար, որոնք ընտրել են Նիկոլ Փաշինյանին, ինձ հետ Իշխանասարի և Սիսիանի Նիկոլ ընտրածներից որոշները ինչ-որ հաշվեհարդարի կոչեր են արել: Ես թքել եմ ձեր վրա, հլը մեկդ փորձվի… Տեղս էլ գիտեք, ես որևէ մեկից չեմ թաքնվել: Ես ասում եմ՝ դուք պատասխանատու եք, ձեր ձեռքերին է բոլոր այն տղաների արյունը, որոնք առ այս պահը գնդակահարվում են այլևս ՀՀ սուվերեն տարածքներում, դուք չեք կարող ինձ ահաբեկել: Այո, Նիկոլ ընտրածի ձեռքերն արյունոտ են, պատերազմից հետո բոլոր նրանք, որոնք ընտրել են Փաշինյան՝ 680 հազարը, որ 2021 թվականին գնաց և մուրճի վրա կարմիր բանտիկ կապած ընտրեց Նիկոլ, դուք եք Իշխանասարի դիրքերում դիմահար գնդակահարել մեր տղաներին, դուք եք Ջերմուկի դիրքերում գնդակահարել մեր տղաներին, դուք եք Վարդենիսի Վերին Շորժայի դիրքերում գնդակահարել մեր տղաներին, դուք եք բռնաբարել, անարգել, մասնատել 5 ազատամարտիկ հայ կանանց: Դուք նույնքան սերիական հանցագործ եք, նույնքան դահիճ եք, ինչքան Նիկոլ Փաշինյանը»,-ասաց Զոհրաբյանը:

Նա անդրադարձավ նաև վերջին հարցազրույցի ժամանակ Նիկոլ Փաշինյանի տված որոշ ձևակերպումներին:

«Այս վերջին պատերազմը Նիկոլ Փաշինյանն որակեց ընդամենը սադրանք, այսինքը 207 տղա գնդակահարվել է ընդամենը պստլիկ լայցոտ սադրանքի արդյունքում: Դու  այնքան դուխ չունես, Նիկոլ, որ անգամ վախենում ես խոսել Ադրբեջանի կողմից իրականացրած ռազմական ագրեսիայի մասին, որովհետև Ալիևը ականջներդ կքաշի»,-ասաց ԱԺ նախկին պատգամավորը:

Նրա խոսքով՝ սեպտեմբերի 13-ին Ադրբեջանը սկսել է երրորդ պատերազմը և կատարել ռազմական հանցագործություն: