Ձեր վստահելի աղբյուրը

«Նախագծով պայմանագրային զինվորական ծառայություն անցնելու գրավչությունն ու շահագրգռվածությունը բարձրացնելու նպատակով անմիջականորեն մարտական խնդիրների իրականացման, պլանավորման կամ վերահսկման գործառույթներ ունեցող պաշտոններ զբաղեցնող պայմանագրային զինվորական ծառայության սպայական, ենթասպայական և շարքային կազմերի զինծառայողների համար առաջրկվում է սահմանել հավելավճար և այն հաշվարկել ատեստավորման արդյունքներով»,-կառավարության նիստում հայտնեց Սուրեն Պապիկյանը:

Նախարարը ներկայացրեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ կատարելու մասին» և «Զինվորական ծառայության և զինծառայողի կարգավիճակի մասին» օրենքում փոփոխություն և լրացումներ կատարելու մասին» օրենքների նախագծերի փաթեթին հավանություն տալու և անհետաձգելի համարելու մասին որոշումը:

Նրա խոսքով՝ հավելավճար հատկացնելու նպատակով անցկացվող ատեստավորմանը մարտական խնդիրենրի պլանավորման, անցկացման և վերահսկման գործառույթներ ունեցող պաշտոններ զբաղեցնող զինծառայողները մասնակցելու են կամավոր:

Ըստ Պապիկյանի՝ նման պաշտոն առաջին անգամ զբաղեցնողը կամ պահեստազորից պայմանագրային զինծառայության անցած զինծառայողը պարտադիր ատեստավորման է անցնել ոչ շուտ քան 3 ամսի և ոչ ուշ քան 4-րդ ամսվա վերջին օրը:

«Հավելավճարը հաշվարկվելու է պաշտոնի նշանակման օրվանից, իսկ ատեստավորում չանցած զինծառայողները կարող են կրկին դիմել ատեստավորման տարեկան երկու անգամ, և հավելավճարը հատկացվելու է այդ իրավունքի ձեռբերման օրվանից»,-հայտնեց պաշտպանության նախարարը:
Նրա խոսքով՝ պայմանագրային զինծառայողը յուրաքանչյուր 3 տարի մեկ անգամ ենթարկվելու են ատեստավորման հավելավճարումները շարունակելու համար:

«Օրենքի նախագծի համաձայն պայմանագրային զինվորական ծառայության սպայական, ենթասպայական և շարքային կազմերի այն զինծառայողների համար, ովքեր զբաղեցնում են մարտական խնդիրների իրականացման, պլանավորման կամ վերահսկման գործառույթներ ունեցող պաշտոններ, սահմանվում է ատեստավորման համակարգ և ատեստավորման արդյունքներով հավելավճարի հաշվարկում, նախատեսվում են ատեստավորմանը մասնակցելու և հավելավճարի հաշվարկման հետ կապված պայմանները, նախատեսվում է ատեստավորման կարգը, մարտական խնդիրների ու դրանց իրականացման, պլանավորման կամ վերահսկման գործառույթների շրջանակը, հավելավճարների չափերը և վճարման կարգը սահմանել ՀՀ կառավարության որոշմամբ, իսկ մարտական խնդիրների իրականացման, պլանավորման կամ վերահսկման գործառույթների շրջանակի հիման վրա համապատասխան գործառույթներ ունեցող զինվորական պաշտոնների անվանացանկի սահմանման, ինչպես նաև հավելավճարի հաշվարկման և հաշվարկված հավելավճարի դադարեցման պայմանները՝ ՀՀ պաշտպանության նախարարի նորմատիվ հրամանով»,-ասաց Պապիկյանը:

Նիկոլ Փաշինյանն էլ հայտնեց, որ պայմանագրային զինծառայողների աշխատավարձը կրկնապատկելու մասին է խոսքը գնում:

Վրեջինս հայտարարեց, թե այսօր բողոքներ կան ծառայության կազմակերպման հարցում, բայց սննդի հարցով բողոք չկա, քանի որ կառավարությունը ժամանակին հասցրեցինք բարեփոխումներ իրականացնել:

Կառավարության նիստն այսօր սկսվեց 3 րոպե ուշացմամբ, քանի որ աշխատանքի և սոցիալական հարցերի նախարարն ուշացած մտավ նիստերի դահլիճ: