Ձեր վստահելի աղբյուրը

«Մենք արդեն մոտենում են անելանելի վիճակին, ժողովուրդը պետք է դուրս գա ու պաշտպանի իր շահերը, քանի որ մեր շահերը ոչ մեկը չի պաշտպանի, բացի մեզանից»,- կառավարության մոտ ակցիայի ժամանակ ասաց «Հանուն Հադրութի» ՀԿ նախագահ Լևոն Հայրյանը։

Նրա խոսքով, այսօր երկրում ստեղծված  վիճակի մեղավորը նաև ժողովրդի իներտությունն է. «Դանակը ոսկորին է հասել, բայց որևէ քայլ չի անում այս վիճակից դուրս գալու համար։ Ազգին հայտարարում են՝ դուք պետք է կոտորվեք, ազգը չի պատասխանում»։

Նա նշեց, որ այսօր իրենց ակցիան ոչ թե կառավարությանն է ուղղված, այլ հայ մարդուն, որպեսզի արձագանքեն երկրի կործանմանը, չնստեն տանը, փողի մասին չտածեն, քանի որ երկիրը կործանվում է։

«Այս իշխանությունը պետք է հեռանա, քանի որ չի սպասարկում է հայության շահը։
Հադրութեցին տուն չունի, տեղ չունի, պաշտպան չունի, հայրենիք չունի, ընկած է այստեղ փողոցներում։ Դուք էլ եք նույնը վիճակում հայտնվելու։ Մեր այսօրվա ակցիան ուղղված է հենց հայ ժողովրդին. մեր վիճակը հայաստանցիների վիճակից մի քիչ լավ է, գիտենք՝ ինչ է եկել մեր գխին,  դուք չգիտեք, ինչ-որ բաներ եք սպասում։ Ձեզ  սպասում  է հադրութեցու ճակատագիրը՝ ինչ-որ մի երկրում անտուն թափառել, քանի որ չենք ուզում մեր պետությունը պահենք, իշխանությունները պետությունը ծախում ենք, մենք սուս ու փուս նայում ենք»- ասաց Լ.Հայրյանը։