Եթե կազմաքանդվում է պետության անվտանգության համակարգը՝ այն դառնում է աղետ. Արթուր Ղազինյան

Քաղաքական 13:03 14/10/2022 Հայաստան

Եթե կազմաքանդվում է պետության անվտանգության համակարգը՝ այն դառնում է աղետ. Արթուր Ղազինյան

«Հայաստանին և Արցախին սպառնող վտանգը չի վերաբերում միայն այստեղ և Արցախում բնակվող մեր հայրենակիցներին, այն վերաբերում է աշխարհի բոլոր հայերին»,-ասուլիսում հյատնեց ԱԺ նախկին պատգամավոր Արթուր Ղազինյանը՝ բացատրելով, թե ինչու է իր նախաձեռնած «Համահայկական կոնսիլիում» կազմակերպությունը համահայկական:

Նրա խոսքով՝ կազմակերպությունը դեռ իրավաբանորեն չի գրանցվել, բայց արդեն փաստացի 2-ից ավել ամիս գործում է:

Ղազինյանի խոսքով՝ եթե չլինի Հայաստան և Արցախ՝ մեծ հարցական է լինելու աշխարհում հայ ներկայանալու հարցը:

Բանախոսը բացատրեց, որ «կոնսիլիումը» նշանակում է հաշտեցում, որը վերաբերում է Հայաստանում առկա ներքին տարաձայնությունների վերացմանը, ինչպես նաև արտաքին հակասություններին:

Նա հայտարարեց, որ այսօր վտանգված է հայկական պետականությունը:

«Այսօր ՀՀ-ի և Արցախի թիվ մեկ խնդիրն անվտանգությունն է: Կրթական համակարգը պետք է տեղափոխվի անվտանգության համակարգ, առողջապահական համակարգը պետք է դառնա անվտանգությունը, քաղաքականը՝ ևս անվտանգություն է, նաև՝ արտաքին քաղաքականությունը:

Եթե կազմաքանդվում է անվտանգության համակարգն՝ այն դառնում է աղետ, հետևաբար բոլոր ոլորտների սիներգիան հանգելու է անվտանգության»,-հայտարարեց Ղազինյանը:

Նրա կարծիքով՝Հայաստանի իշխանությունը չգիտի, թե ինչ է ուզում, իսկ իր ստեղծած «Համահայկական կոնսիլիում» ուղեղային կենտրոնը, որը բաղկացած է մի քանի տասնյակ հայտնի մասնագետներից, պետք է մասնագիտորեն սահմանի այդ առաջնահերթությունները:

Արթուր Ղազինյանը հայտարարեց, որ առայժմ նրանց անունները չեն հրապարակվելու:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: