Ձեր վստահելի աղբյուրը

«Հրապարակ» թերթը գրում է.

Պրահյան պայմանավորվածություններից հետո Հայաստան շտապած Արցախի պատվիրակությունը վերջին օրերին հանդիպումներ է ունենում ՀՀ բարձրաստիճան պաշտոնյաների հետ: Նախօրեին նրանց ԱԽՔ Արմեն Գրիգորյանն է ընդունել, երեկ՝ ԱԺ նախագահ Ալեն Սիմոնյանը, երեկոյան հանդիպել էին նաև ՀՀ նախագահի հետ: Առաջին երկուսի հետ հանդիպումների ժամանակ, ինչպեսև սպասվում էր, հայաստանյան պաշտոնյաները փափուկ բարձ են դրել Արցախի հյուրերի գլխի տակ, թե խաղաղության պայմանագիր ստորագրելը չի նշանակում Արցախը հանձնել Ադրբեջանին, թե իբր Հայաստանն ամեն ինչ անելու է, որ կայանան Բաքու-Ստեփանակերտ բանակցություններ, իսկ միջազգային հանրության ուշադրությունն էլ սևեռելու է Արցախի ժողովրդի ինքնորոշման իրավունքի պաշտպանության խնդրի վրա:

Մեզ պատմեցին, որ ԱԽՔ Արմեն Գրիգորյանն իր հայրենակիցներին խորհուրդ է տվել, որ, անկախ ՀՀ պաշտոնյաների հայտարարություններից, իրենք թող կարմիր թելի պես կրկնեն այն միտքը, որ համաձայն չեն, ու ոչ մեկը, այդ թվում՝ ՀՀ իշխանությունները, չեն կարող Արցախը ճանաչել Ադրբեջանի կազմում: Փոխադարձ համաձայնության են եկել, որ փակ հանդիպման մանրամասների մասին արտահոսք չկազմակերպեն, քանի որ դա է պահանջում Արցախի շահը: Այսօր Արցախի պատվիրակությանը կընդունեն նաև Աստանայից վերադարձած վարչապետ Նիկոլ Փաշինյանն ու արտգործնախարար Արարատ Միրզոյանը»։

Մանրամասները թերթի այսօրվա համարում։