Ոչ միայն խաղաղապահ առաքելություն ենք պատկերացնում ՌԴ կողմից, այլ ավելի վստահելի երաշխիքներ ենք ակնկալում. Արայիկ Հարությունյան
«Պետք է գնահատենք, ինչ է տալու մեզ Բաքվի հետ ուղիղ բանակցությունները»,-Արցախի Հանրային հեռուստատեսությանը տված հարցազրույցում ասել է Արցախի Հանրապետության նախագահ Արայիկ Հարությունյանը:
Նա նշել է, որ պետք է քաղաքական ուժերով որոշում կայացնեն՝ արդյոք ընդունում են այդ առաջարկությունները, ինչ լիազորություններ են ունենալու բանակցողներնը կամ այդ հանդիպման մասնակիցները։ Ա. Հարությունյանի խոսքով, դեռ որևէ հստակեցում չունեն։
«Եթե դրանով կարողանալու ենք պահպանել մեր դե ֆակտո անկախությունը, կայունությունը, խաղաղությունը, այդ հանդիպումների ընթացքում մեզ համար կենսական հարցեր բարձրացնել և լուծել, պարտավոր ենք հանդիպել, իհարկե, չզիջելով մեր ինքնորոշման իրավունքը և կասկածի տակ չդնելով մեր անկախության ճանապարհը»,- ասել է Արցախի Հանրապետության նախագահը։
Հարցին՝ ինչպե՞ս է գնահատում ռուս խաղաղապահների գործունեության արդյունավետությունն Արցախում, Ա. Հարությունյանն ասաց. «Նախ պետք է շնորհակալություն հայտնել Ռուսաստանին և Ռուսաստանի ղեկավարությանը նախագահի գլխավորությամբ, որ կանխել են պատերազմի շարունակությունը, որը մեզ համար անդառնալի հետևանքներ կարող էր ունենալ։
Ընդհանուր առմամբ, Արցախի ապագան առանց Ռուսաստանի ներկայության որպես խաղաղապահ զորակամզ, թե այլ առաքելություն, ես չեմ պատկերացնում։
Այո, մեզ համար անկախությունն է գլխավորը, ազգերի ինքնորշման իրավունքը, բայց երաշխավորն առանց Ռուսաստանի ես չեմ պատերացնում։
Կարող է հարց առաջանալ՝ նախկինում Արցախի, Հայաստանի ղեկավարները պարեբարաբար հայտարարում էին, որ Արցախի անվտանգության երաշխավորը հանդիսանում է Հայաստանը։ Գիտեք, կոնֆլիկտն արդեն Հայաստան-Ադրբեջան կամ Արցախ- Ադրբեջան չէ։ Ցավոք, վաղուց, կոնֆլիտը շատ ավելի խորն է։ Կա Ադրբեջանի և Թուրքիայի միջև Շուշիի հռչակագիր, և այս պատերազմի ընթացքում Թուրքիայի դերակատարությունը քաղաքական պրոցեսներում...
Տարածաշրջանում վաղուց արդեն Թուրքայի դերակատարությունն շատ ավելին է, քան կար մինչև 44-օրյա պատերազմը, դրա համար ոչ միայն խաղաղապահ առաքելություն ենք պատերացնում Ռուսաստանի կողմից, այլ ավելի վստահելի երաշխիքներ ենք ակնկալում ՌԴ կողմից»։
Նա նշել է, որ ողջունում են միջազգային հանրության ակտիվությունը. «Բայց ուզում եմ անկեղծ և ուղիղ ասել՝ ես Արցախի ապագան առանց ՌԴ երաշխավորության կասկածի տակ եմ տեսնում»։
Ի՞նչ է սպասվում 3 տարի անց, երբ ռուս խաղաղապահների ժամկետը լրանա հարցին ի պատասխան Ա. Հարությունյանը նշել է. «Արցախի, ընդհանուր առմամբ ապագան, առաջին հերթին անվտանգության առումով, անվտանգային խնդիրների լուծման առումով, առանց ՌԴ չեմ պատերացնում և մեր ռազմավարությունում դա է դրված։ Չեմ կարող ասել՝ ինչ ճանապարհներով է լինելու՝ խաղաղապահ առաքելությունը երկարացնել, թե այլ ձևաչափ, ինձ թվում է Ռուսաստանի ղեկավարությունն արդեն ժամանակ առ հետո կհայտարարի դրա մասին»։
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
