Ձեր վստահելի աղբյուրը

«Կապանում Իրանի գլխավոր հյուպատոսության հիմնումն այն կարևորության դրսևորումն է, որն իրանի կառավարությունը և ժողովուդը տածում է Հայաստանի և հայ ժողովրդի հազարմյա հարաբերությունների հանդեպ»,-Կապանում Իրանի գլխավոր հյուպատոսության բացման արարողության ժամանակ հայտարարեց ԻԻՀ ԱԳ նախարար Հոսեյն Ամիր Աբդոլլահիանը:

Նրա խոսքով՝ Իրանի Իսլամական Հանրապետությունը տարածաշրջանի և Հայաստանի անվտանգությունը համարում է իր անվտանգությունը և նրա որդեգրած հիմնական քաղաքականությունը երկրների տարածքային ամբողջականությունը և միջազգայնորեն ճանաչված սահմանները հարգելն է:

Հոսեյն Ամիր Աբդոլլահիանն ասաց, որ Երևանում գտնվող ԻԻՀ դեսպանատունը և Կապանի գլխավոր հյուպատոսությունը ջանքեր կներդնեն երկու երկրների միջև տնտեսական և մշակութային կապերի սերտացման համար:

«Սյունիքի մարզը համարվում է Հյուսիս-հարավ միջանցքի կարևորագույն հատվածներից մեկը: Հայաստանը համարում ենք Հյուսի-հարավ մայրուղու վրա գտնվող կարևորագույն երկրներից մեկը և մենք մեր ջանքերը կգործադրենք, որ այս տարանցիակ ուղով ապրանաքափոխադրումները և ուղևորափոխադրումներն ավելի զարգանան»,-հայտարարեց Իրանի ԱԳ նախարարը:

Նա ջերմորեն շնորհակալություն հայտնեց կապանցիներին և դիմավորման արարողություն կազմակերպած դպրոցականներին:

«Կեցցե Հայաստանը, կեցցե Իրանը և երկու երկրների բարեկամությունը»,-իր խոսքն ավարտեց Հոսեյն Ամիր Աբդոլլահիանը: