Դա իմ ամենօրյա ճանապարհն է ու հանկարծ կարող են թուրքերը գալ ու սկսեն վախենալ ինձնից. Փոստանջյան. hraparak.am
hraparak.am-ը զրուցել է այսօր բերման ենթարկված ԱԺ նախկին պատգամավոր, փաստաբան Զարուհի Փոստանջյանի հետ։ Երբ կապ են հաստատել Փոստանջյանի հետ, նա մի քանի բառով ներկայացրել է միջադեպը, ասել, որ մանրամասն ավելի ուշ կխոսի, քանի որ հենց այդ պահին գտնվում է ոստիկանությունում։
«Բերման եմ ենթարկվել Վաղարշ Վաղարշյանի խաչմերուկի հատվածում՝ ՀՔԾ-ի մոտ, դա իմ ամենօրյա ճանապարհն է։ Դա իմ ամենօրյա ճանապարհն է՝ դեպի Գյուլբեկյան, այսինքն՝ իմ ծնողական տանից դեպի արդեն իմ տուն։ Ես ինձ համար իջնում էի, ճանապարհները փակել էին, մի ոստիկան ինձ ասաց, որ ինձ կուղեկցի։ Մեկ էլ Նիկոլի անվտանգության ծառայության պետին, որը քաղաքացիական հագուստով էր, ասացի՝ էս ինչ է կատարվում, ինչ եք անում, թուրքերն են եկել, ինչ է եղել, որ հավաքվել են, ինձ նստեցրին մեքենան ու բերեցին ոստիկանություն։ Ինձ տարել են ոստիկանություն այն պատճառաբանությամբ, թե իբր իրենք փողոց են փակել, ես այդ փակած փողոցով անցել եմ, իրենց պահանջին չեմ ենթարկվել։
Ենթադրաբար Փաշինյանն էր այդտեղ, թե կոնկրետ ով էր, հստակ չեմ կարող ասել, բայց բազմաթիվ կառավարական մեքենաներ տեսա, իրոք շատ էին, բավականին շատ ոստիկաններ կային։ Այսինքն՝ ի՞նչ, մարդը եթե մի տեղով անցնում է ու եթե այդտեղ Նիկոլն է, թուրքական ներկայացվածություն է, արդեն կարող են մտածել, քեզ ճանաչեն ու առևանգեն տանեն։
Սա, իհարկե, խոսում է նաև իրենց վախերի մասին, տակները լցրել են։ Ձեռքիս պայուսակն են բռնել, բայց դրա մեջ հակաիրավական ի՞նչ կա։ Այսինքն՝ եթե մարդը Զարուհի Փոստանջյանն է, պարզապես փողոց է անցնում, պետք է բռնեն բերման ենթարկե՞ն։ Իմ մեղավորությունը որն է, որ դա իմ ամենօրյա ճանապարհն է ու հանկարծ կարող են թուրքերը գալ ու սկսեն վախենալ ինձնից»,- «Հրապարակի» հետ զրույցում ասել է Փոստանջյանը։
Նշենք, որ այսօր Նիկոլ Փաշինյանն այցելել է Հակակոռուպցիոն կոմիտե և ներկա գտնվել Հակակոռուպցիոն կոմիտեի ծառայողի օրվան և կառույցի կազմավորման առաջին տարեդարձին նվիրված միջոցառմանը:
Հարակից հրապարակումներ`
- Պատերազմի ժամանակ դեպքերի առնչվեցինք, երբ պարզվեց՝ ասենք ահասարսուռ անուններով հրթիռների միջից, կարող է, պլատաներ են հանել, որոնց մեջ ոսկի կա. Փաշինյան
- Զարուհի Փոստանջյանը բերման է ենթարկվել
Լրահոս
Տեսանյութեր
Առնվազն երկու կողմ կա, ովքեր չէին ցանկանա, որ ԵԱՏՄ նիստը Հայաստանում անցկացվեր. Արթուր Խաչատրյան
