Ձեր վստահելի աղբյուրը

«Զատուլինը մեր հերոսն է» գրությամբ մի թուղթ բռնած «Լազրևյան» ակումբի նիստի անցակցման դահլիճ մտավ մի կին ճիշտ այն ժամանակ, երբ ելույթ էր ունենում ՌԴ ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինը։

Հիշեցնենք, որ նիստից երկու օր առաջ հայտնի դարձավ, որ վերջինի մուտքը Հայաստան արգելված է։

Երևանում ընթացող «Լազարևյան» ակումբի՝ Երևան-Մոսկվա տեսակամուրջի ձևաչով ընթացող հինգերորդ նիստում Կ. Զատուլինը նշեց,եթե Ադրբեջանի կողմից կա ուժով ինչ-որ բան ճեղքելու ցանկություն, ապա դա պետք է լինի հենց «կարմիր գիծը»։

Նրա խոսքով, միայն տնտեսության զարգացման հեռանկարի հետևից չի կարելի գնալ, քանի որ, եթե տնտեսությունն ամեն ինչ որոշեր, ապա ԽՍՀՄ-ն չէր փլուզվի։

«Ինչպես կարող ենք խոսել բարգավաճումից, եթե կա անվտանգության հիմնարար խնդիր։  Ինչքան էլ ասեք՝ մեզ պետք է բարգավաճում, եթե մենք Ղարաբաղի մարդկանց կյանքի համար ապահով լինել չենք կարող, քանի որ Ղարաբաղին ձգտող երկրները, ահդ թվում Թուրքիան, որ իրականացրել է հայերի ցեղասպանություն, դեռ չի ընդունել այն։ Ինչպե՞ս կարելի է վստահել նրանց, եթե չեն ընդունել Ցեղասպանությունը»,-նշեց նա՝ ընդգծելով, որ այսօր էլ Ադրբեջանը սպանում է հայ գերիներին։