Ձեր վստահելի աղբյուրը

Ռուսաստանի Դաշնային խորհրդի նախագահ Վալենտինա Մատվիենկոն հայտարարել է, որ Ռուսաստանը կշարունակի միջնորդական ջանքերը Հայաստանի և Ադրբեջանի միջև խաղաղության պայմանագրի ստորագրման համար։ Այս մասին հայտնում է <Իզվեստիա.ռու»-ն։

«Ռուսաստանը հանդես է եկել և հանդես է գալիս որպես միջնորդ և աջակցություն կցուցաբերի, որպեսզի երկու պետությունները հասնեն խաղաղության պայմանագրի ստորագրմանը», - ասել է Վալենտինա Մատվիենկոն Ադրբեջանի Միլի մեջլիսի (խորհրդարան) նախագահ Սագիբա Գաֆարովայի հետ հանդիպման ժամանակ։

Նա հիշեցրել է, որ ՌԴ նախագահ Վլադիմիր Պուտինը Վալդայի համաժողովում իր ելույթում ասել է՝ Ռուսաստանը կաջակցի ցանկացած որոշման, որը կնպաստի տարածաշրջանում խաղաղության հաստատմանը և, իհարկե, պետք է հաշվի առնել երկու երկրների շահերը:

«Ե՛վ Հայաստանը, և՛ Ադրբեջանը պետք է ի վերջո լուծումներ գտնեն սահմանի սահմանազատման և խնդրահարույց հարցերի շուրջ»,- նշել է Մատվիենկոն։

Նա հավելել է, որ այդ նպատակին հասնելու համար կօգտագործի նաև խորհրդարանական համագործակցությունը։