Ձեր վստահելի աղբյուրը

Արդարադատության և օրենքի գերակայության հարցերով եվրահանձնակատար Դիդիե Ռեյնդերսն ասել է, որ Ռուսաստանի սառեցված 300 միլիարդ եվրո արժութային պահուստները պետք է պահվեն որպես երաշխիք, քանի դեռ չի սկսվել Ռուսաստանի մասնակցությամբ Ուկրաինայի վերականգնումը: Funke գործակալության տարածած լուրը ներկայացրել է «Գազետա ռու»-ն:

Նա հիշեցրել է, որ Կիևը պահանջել է այդ միջոցները երկիրը վերականգնման համար։

Ռեյնդերսը մանրամասնել է, որ Եվրամիությունում հակառուսական պատժամիջոցների շրջանակներում 7 պետություններում սառեցվել է 90 մարդու ունեցվածքը՝ ավելի քան 17 միլիարդ եվրո արժողությամբ, որից 2,2 միլիարդ եվրոն՝ Գերմանիայում։

Հոկտեմբերի 27-ին Եվրահանձնաժողովի ներկայացուցիչ Քրիստիան Վիգանդը հայտնել է, որ Եվրամիությունը սառեցրել է Ռուսաստանի Դաշնության ակտիվները 17,5 միլիարդ եվրոյի չափով, նրա խոսքով, ակտիվների մեծ մասն արգելափակվել է Գերմանիայում, Բելգիայում, Ֆրանսիա, Լյուքսեմբուրգ, Իռլանդիա, Իտալիա և Ավստրիա:

Եվրահանձնաժողովի ղեկավար Ուրսուլա ֆոն դեր Լեյենը հայտարարել է, որ Եվրամիության նպատակը ոչ թե սառեցնելն է, այլ՝ Եվրոպայում ռուսական ակտիվների բռնագրավումը։