Ձեր վստահելի աղբյուրը

Կենդանաբանական այգում 2021-ի ընթացքում անկել է 31 տեսակ 81 կենդանի։ Նման տվյալներ է հրապարակել Վիճակագրական կոմիտեն։

Պետական կենդանաբանական այգում 2021թ. տարեվերջի դրությամբ առկա է եղել 143 տեսակի կենդանի: Կենդանիների գլխաքանակը կազմել է 769:

Բացի երկկենցաղից՝ կոկորդիլոսից, սատկել են նաև հինգ տեսակի վեց սողուն,  11 տեսակի 25 կաթնասուն, որից 19-ը սմբակարավորներ, 3 գիշատիչ, 2 պրիմատ։ Այսօր կենդանաբանական այգին որևէ երկկենցաղ կենդանի չունի։

Ընդհանուր առմամբ, անցած մեկ տարվա ընթացքում այգում  անկել է 81 կենդանի, որից 20 ձուկ, 27 թռչուն։ Միաժամանակ մեկ տարվա ընթացքում այգին ձեռք է բերել ընդամնեը 8 կենդանի։

Ի դեպ, դեռ այս տարվա գարնանաը Panorama.am-ը գրավոր հարցում է  ուղղել այգուն՝ խնդրելով տրամդրել տվյալներ, թե ապրիլ ամսի դրությամբ այգում քանի՞ կենդանի կա։ Այգուց հայտնեցին, տվյալներ չունեն ձեռքի տակ, մինչ այսօր գույքագրում են իրականացնում։ Կարելի է ենթադրել,  որ կենդանիների անկման դեպքերը շարունակվում են։

Կոմիտեի էջում հրապարակված այս աղյուսակից պարզ է դառնում, որ բոլոր տեսակի կենդանիները վերջին տարվա ընթացքում նվազել են։