Ձեր վստահելի աղբյուրը

«Հիմա գլխավոր խնդիրը տարածաշրջանում խաղաղության ու կայունության ապահովումն է, ինչպես նաև կոմունիկացիաների ապաշրջափակումը»,-Սոչիում եռակողմ բանակցություններից առաջ Նիկոլ Փաշինյանի հետ հանդիպմանը հայտարարել է ՌԴ նախագահ Վլադիմիր Պուտինը։

Նա նշել է, որ բազմամյա դիմակայությանը պետք է վերջ տալ։

«Այս հակամարտությունն արդեն տասնամյակների պատմություն ունի, այդ պատճառով պետք է դրան մի ինչ-որ պահի վերջ դնել, համաձա՞յն եք։ Գիտեմ, որ այդ առումով Դուք քաղաքական կամք ունեք։ Եվ մենք աջակցում ենք դրան»,-ասել է Պուտինը։

Ռուսաստանի առաջնորդը կարևորել է նաև եռակողմ բանակցությունների ընթացքում առանցքային հարցերի վերաբերյալ որոշակիացումը, ինչը թույլ կտա առաջ շարժվել։

Հիշեցնենք, որ այսօր Նիկոլ Փաշինյանն աշխատանքային այցով ժամանել է Ռուսաստանի Դաշնություն՝ Սոչի:

Փաշինյան-Պուտին բանակցություններին հաջորդելու է Հայաստանի, Ռուսաստանի և Ադրբեջանի առաջնորդների եռակողմ հանդիպումը։