Ձեր վստահելի աղբյուրը

«Շատ կարևոր եմ համարում, որ, այնուամենայնիվ, միջազգային հարթակներում մեզ հաջողվեց, հաջողվում է արձանագրել այն դիրքորոշումը, որ մենք ունեինք արձանագրած 2020թ.-ից, որ ՀՀ-ի և Ադրբեջանի միջև կա սահման և այդ ասհմանն արձանագրված է 1991 թ.-ի Ալմա-Աթայի հռչակագրով և հարակից փաստաքղթերով»,-ԱԺ մշտական հանձնաժողովների համատեղ նիստում  2023 թվականի բյուջեի քննարկման ժամանակ հայտարարեց Նիկոլ Փաշինյանը:

Հայտնելով, որ այն չափազանաց կարևոր արդյունք է՝ ՀՀ գործադիրի ղեկավարն ասաց. «Սա կարևոր է, քանի որ եթե չկա սահման, կարելի է ասել՝ չկա ագրեսիայի փաստ: Ե՛վ Սոչիում, և՛ Պրահայում արձանագրվել է սահմանի առկայությունը, ուրեմն դրանով ինքնին արձանագրվել է ագրեսիայի փաստը՝ դրանից բխող միջազգային արձագանքներով»:

Նրա խոսքով՝ Պրագայի հանդիպման արդյունքներով ԵՄ դիտորդների գործողումն Հայաստան հնարավոր է դրաձել միան նրանից հետո, երբ արձանագրվել է 1991 թվականին հաստատված սահմանը:

«Եթե չլիներ 1991 թվականի սահմանը՝ Եվրոպացիների մոտ հարց էր ծագելու՝ գալու ենք ի՞նչը դիտենք, եթե չունենք բազային տվյալներն՝ ինչպե՞ս ենք որոշելու, թե ո՞վ որտեղ է կանգնած, ինչպե՞ս է կանգնած և՝ ինչքանո՞վ սխալ»,-ասաց Փաշինյանը:

Նա նաև կարծիք հայտնեց, որ այդ հարցում կառավարությունը հանրության հետ գտնվում է նույն ալիքի վրա: