Ձեր վստահելի աղբյուրը

«Մենք նախկիկնում, ցավոք, դեպք ենք ունեցել, երբ կառավարության նիստում հրապարակվել է հիմնանորոգված փողոցի անունը, բայց պարզվել է, որ ոչ թե այդ փողոցն է հիմնանորոգվել, այլ խիստ պատահականորեն բյուջեով հատկացված միջոցներից շփոթվել և այն փողոցն էին հիմնանորոգել, որտեղ տեղացի պաշտոնյաներ են ապրում»,-կառավարությունում հայտարարեց Նիկոլ Փաշինյանը՝ պետությա համաֆինանսավորած  սուբվենցիոն բոլոր ծրագրերը թվարկելուց հետո:

ՊՎԾ ղեկավար Ռոմանոս Պետրոսյանը հայտնեց, որ Նիկոլ Փաշինյանի՝ վերանորգված փոխողները հրապարակելուց հետո մամուլում տեղեկատվություն տարածվեց, որը  ուսումնասիրվել էր վերահսկողական ծառայության կողմից:

«Մեր գործընկերների հետ համադրելով տեղեկությունները և դիտարկելով ձեռքի տակ եղած փաստերը՝ պարզեցինք, որ Շիրակի մարզի Սարատակ համայնքում փաստաթղթավորվել, նախագծվել և նախահաշվային փաստափղթերը կազմվել էին 5-րդ փողոցի անվամբ, սակայն փաստացի հիմնանորոգման աշխատանքները կատարվել էին 4-րդ փողոցում»,-հայտնեց ՊՎԾ ղեկավարը:

Նա հայտնեց, որ ՏԿԵ նախարարությանը և Շիրակի մարզպետարանին  հանձնարարվել էր ծառայողական քննություն իրականացնել և առերևույթ հանցակազմ պարզելու դեպքում գործն ուղարկել իրավապահ մարմիններին:

«Շիրակի մարզպետից ստացանք համապատասխան գրություն, որ ծառայողական քննության ընթացքում վեր հանված առերևույթ իրավախախտումների փաստերով  փաստաթղթերն ուղարկվել են Գլխավոր դատախազություն, ՏԿԵ նախարարության մարսով դեռևս սպասում ենք պարզաբանման»,-տեղեկացրեց Պետրոսյանը: