Ձեր վստահելի աղբյուրը

«Աշխատանքի և սոցիալական հարցերի նախարարությանը նախատեսված է հատկացնել 648 մլրդ 453 միլիոն դրամ, 2022 թ ճշտված բյուջեով նախատեսվում է, որ ֆինանսավորելու ենք  585 մլրդ 860 մլն դրամի ծագրերի հայտ»,-ԱԺ Ֆինանսավարկային և բյուջետային հարցերի և Աշխատանքի և սոցիալական հարցերի մշտական հանձնաժողովների համատեղ նիստում ասաց ֆինանսների նախարար Տիգրան խաչատրյանը՝ ներկայացնելով 2023թ ՀՀ պետական բյուջեն:

Նա նաև հայտնեց, որ 2021 թվականին նախարարության փաստացի ծախսերը կազմել էին 619,7 մլրդ դրամ:

Աշխատանքի և սոցիալական հարցերի նախարար Նարեկ Մկրտչյանն էլ հայտնեց, որ ժողովրդագրական իրավիճակի բարելավելու համար 2023թ. բյուջեով նախատեսվել է 51.2 մլրդ դրամ, որը 2022 թ. համեմատ ավել է 63.2 %-ով:

«2023 թվականին էականորեն կավելանա մինչև 2 տարեկան երեխաների խնամքի գծով ծախսերը՝ 2022 թ 9.3 մլրդ.-ի դիմաց 2023 թվականին բյուջեով նախատեսվել են 20.3 մլրդ դրամ»,-ասաց նախարարը և շեշտեց, որ 2023 թվականի հունվարի 1-ից հետո ծնված երեխաների համար մինչև 2 տարեկան երեխաների նպաստ կնշանակվի բոլոր մայրերին՝ անկախ նրանց հաշվառման և բնակության վայրերից՝ ներգրավելով քաղաքաբնակ և վարձու աշխատանք ունեցող բայց արձակուրդի մեջ չգտնվող մայրերին:

Ըստ նախարարի՝ նպաստի չափը հունվարի 1-ից հետո ծնված երեխաների համար կսահմանվի 37.5 հազար դրամ, մյուսների համար 31.6 հազար դրամ, իսկ գյուղական վայրում ապրող, աշխատող ծնողը կստանաը 69.1 հազար դրամ, մինչև 2023 թ ծանվածները՝ 62.3 հազար դրամ:

Նարեկ Մկրտչյանը նաև հայտնեց, որ 2023 թվականին պահպանվելու են երեխայի ծննդյան միանվագ նպակստների չափերը:

«2023 թ.-ին ծննդյան միանվագ նպաստի գծով նախատեսվում  է հատկացնել 19.8 մլրդ դրամ՝ 36024 նորածնի համար»,-ասաց աշխատանքի և սոցիալական հարցերի նախարարը:

Նրա խոսքով՝ բազմազավակ և երիտասարդ ընտանիքների բնակարանային աջակցության ծրագրի շրջանակներում երեխա ունեցող ընտանիքներին բնակրաններով աջակցելու համար 2020-23 թթ. տրամադրվում է պետական աջակցություն հիպոտեկային վարկերի մարման տեսքով և այդ նպատակով 2023 թ.-ին կհատկացվի 1.3 մլրդ դրամ:

«2023 թվականին նախատեսվում է իրականացնել Արցախի Հանրապետության առանձին շրջաններից տեղահանված ընտանիքների բնակարանային ապահովության պետական ծրագիր, որը հնարավորություն կտա Արցախի առանձին շրջաններից տեղահանված ընտանիքներին ձեռք բերել անշարժ գույք կամ կառուցել անհատական բանկելի տուն, ինչի համար 2023 թ. բյուջեով 2 մլրդ դրամ է հատկացվել»,-հայտնեց Մկրտչյանը:

Նա պարզաբանեց, որ նոր լավարկված կարգով, եթե տեղահանված ընտանիքն անշարժ գույք գնի կամ կառուցի սահմանամերձ բնակավայրում,  ապա պետությունից կստանա լրացուցիչ աջակցություն՝ ձեռբերման դեպքում հանրագումարային մինչև 14 մլն դրամի, իսկ կառուցման դեպքում մինչև 16 մլն դրամ հիպոտեկային վարկի մարման համար, իսկ տոկոսադրույքների մարման համար՝ մինչև 13 %: