Ձեր վստահելի աղբյուրը

Մենք կռվել ենք ինքնամոռաց, անձնվիրումով, այսօր կարևորը Հայաստանն է, բայց առանց Արցախի նա չի լինի.Մանաշիդի Սերոբ

Գիտենք ում պատճառով այս ամենը եղավ… Ձեր հետ այն մարդն է խոսում, ով 1989 թվականից արցախյան ազատամարտում ոտք է կորցրել, տարիներով թուրքի դեմ եմ եղել, ու մի գրչի հարվածով ամեն ինչի վերջը դրվեց: Այսօրվա դրությամբ մարդիկ պետք է հասկանան, որ սա վերջն է՝ կամ այս կողմ, կամ այն կողմ, փախչելով չի լինի: Մենք ունենք սրբություն՝ Արցախ: Նրա համար եմ 1989 թվականից սկսել պայքարը Շահումյանից, հետո Արցախի մյուս շրջաններում եմ կռվել, բայց մեկ գրիչի հարվածով մեր ազգը կործանվեց: Մենք կռվել ենք ինքնամոռաց, անձնվիրումով, այսօր կարևորը Հայաստանն է, բայց առանց Արցախի նա չի լինի:

Ընդդիմությունից մեծ ակնկալիք ունեմ, եթե բոլորը գան մասնացեն: Բոլորը պետք է գան մասնացեն հանրահավաքին՝ դիմում եմ ընկերներիս՝ շատ դժվար է գալ մասնակցել, տղե՛ք: Այսօրվա դրությամբ, ուտելիքը թանկացրին, խաղողը թափեցին, թքեց բոլորի կաթի մեջ, որ ժողովուրդը երկրի ծերից, թուրքի բերնից գար հասներ այստեղ: Դժվար է գալը, այլապես այստեղ ասեղ գցեիր՝ գետին չէր հասնի: Շատ մարդիկ կան եկող՝ վիճակ չկա գալու: Այն օրը գցեց, որ վիճակ էլ չկա գալու: Ջուրը դարձրեց այս գնի, վարկը՝ են գնի, մարդկանց խաղողը մնաց, ուտելիք չկա: Մարդիկ չեն կարողանում ապրել, այսօր այդ մասին ենք մտածում միայն: Դիմացը ձմեռ է, բայց մենք հույս ունե՞նք, նոր գարնան, որ կրկին ասենք՝ դիմացը ձմեռ է: Մենք պետք է պաշտպանենք մեր մեկ թիզ հողը, աշխատենք պաշտպանենք:

Ցավոք սրտի, մեր ազգը չի գտնում այն հենարանը, որից իր փրկության պայքարը սկսի. Գնդապետ՝ Վոլոդյա Հովհաննիսյան

Մենք կորցրել ենք ամեն ինչ, որից հետո հայ ժողովուրդը կկործանվի: Իրականում մենք նույնքան վատ վիճակում ենք, որքան 1915-21թթ պատմական իրավիճակն էր, որովհետև այսօր գոյության և փրկության խնդիր ենք լուծում: Նիկոլի գլխավորությամբ այս թուրքական իշխանությունը ոչնչացրեց մեր ազգային դիմադրությունը, կամքը, ոգին, 30-ամյա մեր պետականությունը և այսօր մենք պարզապես այստեղ հավաքվել ենք փրկության համար: Արցախը տվել են, անվտանգության գոտին տվել են, Հայաստանի բոլոր ստրատեգիական բարձունքները տվել են թուրքին, երկու բանակները ոչնչացրել են, ազգային անվտանգության բոլոր բաղադրիչները ոչնչավել են և մենք փոքրաթիվ հայերով հավաքվել ենք, որ փրկենք Հայաստանը:

Այս հրապարակի սակավամարդությունը ցույց է տալիս, որ, ցավոք սրտի, մենք այլևս փրկվող չենք: Ցավոք սրտի, մեր ազգը չի գտնում այն հենարանը, որից իր փրկության պայքարը սկսի: Այստեղ շատ մեղավոր է նաև մեր ընդդիմությունը, լրատվությունը, որովհետև Նիկոլը 90 % մեդիադաշտը գրավել է: Մենք հասել ենք դեբիլիզմի այն աստիճանին, որ երբ նոյեմբերին վեգետացիան ավարտված է, ցանկացած կենսաբան, բնապահպան այն կասի, բայց մենք  ծառ ենք տնկում: Հասել ենք այն աստիճանի, որ թուրքական լոգոյով և թուրքական գելեչեք ապագա լոզունքով իշխող կուսակցությունը համագումար է անում:Որպես մեդիա՝ ձեր միջոցով դիմում եմ հայ ժողովրդին, արթնանա և վեր կենա պայքարի: Թուրքը չի ների հայ ժողովրդին, նա խնդիր ունի հայկական տարածքներում պետականություն ստեղծելու և այդ առումով պատմական փորձ ունի:Արևմտյան Հայաստանը մարսեցին, Արևելյան Հայաստանի մի մասը մարսեցին, հիմա փոքր Սյունիք, Արարատյան դաշտ և Շիրակ է մնացել, այն էլ կմարսեն:

Մեր հայկական գենը պետք է արթնանա, ինչպես արթնացավ 1988 թ.-ին. Տիգրան Մնացականյան (էջմիածին)

Իմ կարճ խելքով, ամեն մի հայ պետք է այստեղ լիներ: Ո՞ւր հասանք մեկ մարդու որոշմամբ: Միթե՞ սա է մեր ազգի լեզուն, միտքն ու հոգին, իհարկե ոչ: Մենք դեռ ազգովի կասենք մեր խոսքը: Պետք է հասկանալ, որ վաղը թուրքն է մտնելու մեր տունը: Բայց ես չեմ հուսահատվել և ողջունում եմ բոլորին, ովքեր մտածում են մեր նման: Մեր հայկական գենը պետք է արթնանա, ինչպես արթնացավ 1988 թ.-ին:

Հույսերս չենք կտրում դրա համար մենք այստեղ ենք, բոլորս ընտանիքներ ունենք, երեխաներ թոռներ և բոլորս պետք է այս հրապարակում լինենք: Չեմ պատկերացնում, թե ինչպես կարելի է այստեղ չլինել: Ամենածանր օրերին մենք հաղթանակ ենք տարել, վերադարձրել ենք Արցախն, իսկ այսօր մարդիկ կան հարցնում են՝ արցախցու համար ես կռվե՞մ: Այո, պետք է կռվես, որ պաշտպանես քեզ, քո ընտանիքը, ժողովրդին: Մենք չպետք է մեր ավանդապաշտությունից հեռու գնանք, պետք է լինենք հայ:Այսօրվա հայն առավել ևս պետք է չհուսահատվի, պայքարի մարտնչի և ասի, որ երբեք Արցախից չի հրաժարվի, ինչպես մտածել են իշխանությունները և ժողովրդին երկպառակտելով հասցրեցին այս օրվան, երկպառակտեցին ժողովրդին, բայց մենք պետք է միասին լինենք, միասին հոգանք մեր հայրենիքի վաղվա օրը:

Ընդդիմությունը մեղավոր չէ, մեղավոր են նրանք, ովքեր չեն հետևում ընդդիմության խոսքին: Ընդդիմություն իր ճիշտ խոսքն ասում է, իսկ այս հրապարակում մենք կարող ենք տեսնել պատկառելի մարդկանց, որոնց առջև ազգովի կարող ենք խոնարհվել:

Երեբ որ 2018 թ.-ին հեղափոխություն էր լինում, ես շրջապատին ասում էի՝ զգուշացեք, որ ժողովրդի սիրելին հետագայում չդառնա ժողովրդի դահիճը. Հրաչյա Օհանյան

Պետք է ժողվուրդը ոտքի կանգնի, գիտակցի, որ ամեն մեկը պարտավոր է  իր մասնակցությամբ այս գործը հասցնենք հաղթական ավարտին: Նստել, սպասել միայն ընդդիմությանը, ճիշտ չէ, բոլորն էլ պետք է իրար գան:Իրենք տուն չունե՞ն, տեղ չունե՞ն, երեխոք չունե՞ն, որ սպասում են ընդդիմությանը:

Իշխանության քայլերը լրիվ դավաճանական եմ դիտարկում: Երեբ որ 2018 թ.-ին հեղափոխություն էր լինում, ես շրջապատին ասում էի՝ հիշեք Օլիվեր Կրոմվելին, անգլիական բուրժուական հեղափոխությունը՝ զգուշացեք, որ ժողովրդի սիրելին հետագայում չդառնա ժողովրդի դահիճը: Երբ նայում ես հեղափոխությունների պատմությունը, ապա տեսնում ես, որ ոչ մի հեղափոխություն ժողովրդին լավ բան չի բերել՝ թե անգլիականը, թե՛ ֆրանսիականը, թե ռուսականը

Այս պայքարի նպատական է ունենալ լավ, ինքնիշխան, սահմաններն անվտանգ Հայաստան և Արցախ. Ծաղիկ Վարդանյան

Այսօր ես Ֆրանսիայի հրապարակում եմ իմ ընկերների հետ՝ բացառապես հանուն Արցախի և հանուն Հայաստանի հանրապետության: Այսպես պետք է անի յուրաքանչյուր արժանապատիվ հայ, եթե իրականում իր համար պետություն, հայրենիք ունենալն առաջնային է:

Ուրիշ ումից պետք  ակնկալիք ունենանք: Ակնկալիք պետք է ունենալ այն ընդդիմությունից, որին քաղաքացիները ընտրությունների ժամանակ բավականին թվով ձայն են տվել, այսօր նրանք 30 %-ից ավել խորհրդարանում են, հետևաբար միանշանակ իրենք էլ պետք է ղեկավարեն այս շարժումը:Մեր ակնկալիքն է ունենալ պետություն, կայուն պետություն, սահմանների անվտանգություն, Արցախի անվտանգությունը: Չի կարելի որևէ այլ հարցի հետ համադրել Արցախցու՝ իր տարածքում ապրելու խնդիրը: Նույնը նաև Հայաստանին ու նրա սահմաններին է վերաբերում: Այսօր Ջերմուկում վտանգավոր է , Սյունիքում, Գեղարքունիքում վտանգավոր է: Ի՞նչ է մնացել՝ Երևանը՞ և նրա հարակից մի քանի տարածքները՞, այդպես չի կարող լինել: Սա արդեն Հայաստան չէ, չգիտենք ինչ է: Հետևաբար՝ մենք պետք է պայքարենք և այս պայքարի նպատական ունենալ լավ, ինքնիշխան, սահմաններն անվտանգ Հայաստան և Արցախ: