Ձեր վստահելի աղբյուրը

Ֆրանիասյի հրապարակից երթով  քաղաքացիները հասան Հանրապետության հրապարակ։ Նրանք կառավարության մոտ սկսեցին վանկարկել «Նիկոլ դավաճան», «Նիկոլ դավաճան»։

ՀՅԴ ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանն ասաց, որ քաղաքացիների ձեռքին կան սպիտակ թղթեր, որոնք  խորհրդանշում են  խաղաղության պայմանագիր, բայց իրականում նոր կապիտուլյացիա։

«Այս խորհրդանշական խաղաղության պայմանագրի անվան տակ կապիտուլյացիան մենք այսօր կառավարության շենքի դիմաց կայրենք՝ ամբողջ աշխարհի ցույց տալու համար, որ հայ ժողովուրդը չի ընդունելու որևէ կապիտուլյացիա, չի կարող ստորագրվել որևէ փաստաթուղթ, որը կասկածի տակ կդնի Արցախի ինքնորոշման իրավունքը։

Ձեր ձեռքին գտնվող կապիտուլյացիայի խորհրդաշական թուղթը պատռելով՝ մենք մեկ անգամ ասում ենք, որ չենք ընդունելու, չենք հանդուրժելու և նման թղթի կտորները հայ ժողովրդի կողմից լինելու են անընդունելի»,- ասաց Սաղաթելյանը։

Ներկաներն այրեցին իրենց ձեռքի սպիտակ թղթերը։