Ձեր վստահելի աղբյուրը

«Առանց Արցախ մենք չենք ունենալու Հայաստան»,- Ֆրանսիայի հրապարակում հանրահավաքի ժամանակ լրագրողների հետ զրույցում ասաց «Վերածնվող Հայաստան» կուսակցության նախագահ, «Հայաստան» խմբակցության պատգամավոր Վահե Հակոբյանը։

Նա նշեց, որ կանգնած ենք մեծ ջրբաժանի առաջ. «Կամ մենք կորցնում ենք Արցախը, շատ պարզ հեռանկարով՝ վաղը, մյուս օրը կորցնում ենք Հայաստանը, կամ փորձում ենք պայքարել մեր գոյության համար։ Սա մեր լիներ-չլինելու հարցն է»։

Հարցին՝ մամուլում շրջանառվում է ձեր և ևս երկու պատգամավորի անձեռնմխելիությունից հնարավոր զրկելու մասին տեղեկություններ, որևէ այլ գործընթաց կա՞ ձեր նկատմամբ, Վ. Հակոբյանն ասաց. «Համոզված եմ, որ այդպիսի գործընթաց չկա,  առնվազն դրանից տեղյակ կլինեի։ Այն, որ ինձ, ընտանիքիս անդամներին հրավիրում են տարբեր քննչական մարմիններ, դա հին գործերն են, որոնք գնում ենք արդեն չորս տարուց ավելի։ Մեծ բորշչ է  եփած, բոլորս անցնում ենք որպես վկա»։