Սիրանուշ Սահակյան. Թումանյանցը Կարեն Անդրեսայանի հետ ունի հատուկ կապ ու սերտաճվածություն
ԲԴԽ-ն քննում է դատավոր Արթուր Ստեփանյանին կարգապահական պատասխանատվության ենթարկելու միջնորդությունը։ Դատավորի շահերը ներկայացնող փաստաբան Սիրանուշ Սահակյանը բացարկի միջնորդոթյուն ներկայացրեց ԲԴԽ անդամ Երանուհի Թումանյանցի նկատմամբ, ով եղել է Կարեն Անդրեասյանի տեղակալը։ Հենց Անդրեասյանի որոշմամբ էլ դատավորի նկատմամբ կարգապահական վարույթ հարուցելու որոշում է կայացվել։
«Երանուհի Թումանյանց ի պաշտոնե կիսել է արդարադատության նախարարի կողմից դատավորների նկատմամբ վարույթ իրականացնելու քաղաքականությունը»,-ասաց Սիրանուշ Սահակյանը՝ վկայակոչելով դատական օրենսգրքի 151 հոդվածի 1-ին մասի կարգավորումը, համաձայն որի, «Բարձրագույն դատական խորհրդում հարցի քննությունն սկսվում է հարցի էության և կարգապահական պատասխանատվության ենթարկելու մասին միջնորդության վերաբերյալ վարույթ հարուցած անձի զեկուցմամբ: Եթե դատավորի նկատմամբ կարգապահական վարույթը հարուցել է Լիազոր մարմինը, ապա Լիազոր մարմինը կամ նրա հանձնարարությամբ` տեղակալը պարտավոր է ներկա լինել Բարձրագույն դատական խորհրդի նիստին: Եթե կարգապահական վարույթը հարուցել է Էթիկայի և կարգապահական հարցերի հանձնաժողովը, ապա Բարձրագույն դատական խորհրդի նիստին կարգապահական խախտման մասին միջնորդությունը զեկուցում է Էթիկայի և կարգապահական հարցերի հանձնաժողովի նախագահը կամ նրա հանձնարարությամբ՝ հանձնաժողովի անդամներից մեկը: Եթե կարգապահական վարույթը հարուցել է Կոռուպցիայի կանխարգելման հանձնաժողովը, ապա Բարձրագույն դատական խորհրդի նիստին կարգապահական խախտման մասին միջնորդությունը զեկուցում է Կոռուպցիայի կանխարգելման հանձնաժողովի նախագահը կամ նրա հանձնարարությամբ՝ հանձնաժողովի անդամներից մեկը»։
Սիրանուշ Սահակյանն ասաց՝ Երանուհի Թումանյանցը հանդես է եկել ԲԴԽ-ում որպես Կարեն Անդրեասյանի ներկայացուցիչ Զարուհի Նախշքարյանի գործով, ինչը հաստատում է, որ նրանք համատեղ են կայացրել դատավորի նկատմամբ կարգապահական վարույթ հարուցելու որոշումը։
Փաստաբանը հիշեցրեց, որ Թումանյանցը մի քանի ագամ փոխարինել է նախարարին, բացի այդ, նա Կարեն Անդրեսայանի հետ ունի հատուկ կապ ու կայուն, տևական սերտաճվածություն, նրանք միասին աշխատել են Մարդու իրավունքների գրասենյակում, ապա փաստաբանական ընկերությունում, հետո՝ ԱՆ-ում, ապա նաև ԲԴԽ-ում։
«Չենք կարծում, որ Թումանյանցը կարող է անաչառ լինել իր նախկին ղեկավար, ընկեր, գործընկեր Կարեն Անդրեասյանի հարուցած կարգապահական վարույթի առնչությամբ»,-ասաց Սահակյանը՝ ավելացնելով, որ Թումանյանցի, Կարեն Անդրեսայանի ու նախարարի պարտականությունները կատարող Գրիգոր Մինասյանի միջև գոյություն ունեն տևական հարաբերություններ։
ԱՆ ներկայացուցիչը կարծիք հայտնեց, որ միջնորդությունը ենթակա է մերժման, քանի որ Թումանյանցը որևէ առնչություն չի ունեցել դատավոր Ստեփանյանի նկատմամբ հարուցված կարգապահական վարույթին։
ԲԴԽ անդամները գնացին խորհրդակցական սենյակ՝ միջնորդությունը քննելու։ Վերադարձան ու հայտարարեցին՝ որոշվեց միջնորդությունը մերժել։
Լրահոս
Տեսանյութեր
Մի դարձեք ագրեսիվ գովազդի զոհ. Պիպոյանի խորհուրդը՝ «Սև ուրբաթ»-ին
