Ձեր վստահելի աղբյուրը

ՌԴ ռազմական ղեկավարությունը որոշում է կայացրել զորքերն ու ռազմական տեխնիկան Խերսոնի շրջանից և հարակից տարածքներից դուրս բերել և տեղափոխել Դնեպրի ձախ ափ։

ՆԱՏՕ-ի գլխավոր քարտուղար Յենս Ստոլտենբերգն ասել է, որ «խրախուսելի» է տեսնել, որ Ուկրաինան առաջընթաց է գրանցում:

ԱՄՆ նախագահ Ջո Բայդենն ասել է, որ այս քայլն անսպասելի չէր։

«Վաղուց գիտեինք», ասել է նա՝ հետաքրքրվելով, թե ինչու Ռուսաստանում  նման որոշման եկան այդքան ուշ։

Այս քայլը ողջունվել է  շատերի կողմից Ուկրաինայում, մասնավորապես սոցիալական ցանցերում:

«Զվեզդա»-ի փոխանցմամբ, խորհրդակցության ժամանակ ՌԴ պաշտպանության նախարար Սերգեյ Շոյգուն համաձայնել է Ուկրաինայում իրականացվող հատուկ գործողության պատասխանատու Սերգեյ Սուրոբկինի առաջարկությանը՝ գործողությունն իրականցնել Դնեպրի ափին։

«Մեր զինվորների կյանքն ու առողջությունը թանկ է մեզ համար: Պետք է հաշվի առնել նաեւ խաղաղ բնակչությանը սպառնացող վտանգը։ Համոզվեք, որ բոլոր քաղաքացիական անձինք, ովքեր ցանկանում են, կարող են հեռանալ: Շարունակել զորքերի դուրսբերումը և ձեռնարկել բոլոր միջոցները՝ ապահովելու անձնակազմի, զենքի և տեխնիկայի անվտանգ տեղափոխումը Դնեպր գետով»,-ասել է Շոյգուն։

Հիշեցնենք, որ սեպտեմբերի 30-ին Ռուսաստանի նախագահ Վլադիմիր Պուտինը հրամանագրեր է ստորագրել Խերսոնի և Զապորոժիեի շրջանները որպես անկախ տարածքներ ճանաչելու մասին։ 

«Միջազգային իրավունքի ընդունված սկզբունքներին և նորմերին համապատասխան՝ ճանաչելով և վերահաստատելով ՄԱԿ-ի կանոնադրությամբ ամրագրված ժողովուրդների հավասար իրավունքների և ինքնորոշման սկզբունքը՝ հաշվի առնելով Խերսոնի շրջանի ժողովրդի կամքը 2022 թվականի սեպտեմբերի 27-ին կայացած հանրաքվեի ժամանակ, որոշում եմ ճանաչել Խերսոնի շրջանի ինքնիշխանությունն ու անկախությունը»,-ասված էր փաստաթղթում։