Ձեր վստահելի աղբյուրը

ԱՄՆ նախագահ Ջո Բայդենը, Սպիտակ տանը պատասխանելով լրագրողների հարցերին, որոնք վերաբերում են ուկրաինական ճգնաժամը բանակցությունների միջոցով կարգավորելու հնարավորությանը, Խերսոնը շփոթել է իրաքյան Էլ Ֆալուջա քաղաքի հետ, գրում է ՏԱՍՍ-ը։

Այս քաղաքը, որը գտնվում է Եփրատ գետի վրա, Բաղդադից 57 կմ դեպի արևմուտք, հայտնի է դարձել որպես զինված դիմադրության վայր, որտեղ ամերիկյան զորքերը զգալի կորուստներ են կրել։ 2003-2004 թվականներին այն դարձել է զինյալների հենակետը, որոնք պարտիզանական պայքար էին ծավալում օտարերկրյա ռազմական ներկայության դեմ։

Լրագրողներից մեկը նախագահին հարցրել է Ուկրաինայից տարածքային զիջումների հնարավորության մասին։ Բայդենը պատասխանել է, որ դա Կիևի որոշելիքն է։ «Կարծում եմ, որ ենթատեքստն այն է, թե արդյոք ռուսական զորքերը նահանջում են Ֆալուջայից»,- ասել է նա, իսկ հետո ուղղել. «Ես նկատի ունեմ Խերսոնը՝ Խերսոն քաղաքը»։