Ձեր վստահելի աղբյուրը

«Պարոն Արշակյան, ես վստահեցնում եմ, որ այստեղ եկել եմ խոսելու պետական բյուջեից, այլ ոչ թե ԱԺ-ի Նոր տարվա բանկետի մենյուի մասին»,-ԱԺ նախագահի տեղակալ Հակոբ Արշակյանի՝ ըստ էության ելույթ ունենալու հորդորին արձագանքեց «Հայաստան» խմբակցության պատգամավոր Արթուր Խաչատրյանը:

Հայտնելով, որ բյուջեն խոստում է՝ պատգամավորը ներկայացրեց, թե ինչ խոստումներ կան բյուջեում:

«Թվում է՝ եթե բյուջեի ծախսերը համապատասխանում է այսօրվա մարտահրավերներին և դրանք ուղղվելու են երկրի անվտանգությանը և սոցիալական պաշտպանությանը: Խոստովանենք, որ կես տրիլիոնը պաշտպանության բնագավառին, իրոք տպավորիչ է»,-2023 թվականի բյուջեի նեխագծի վերլուծությունը ներկայացրենելով՝ ասաց ընդդիմադիր պատգամավորը և հավելեց. «Որպեսզի հասկանանք, թե այդ գումարի հետևում ինչ է թաքնված, պետք է դիտարկել ընթացիկ տարվա բյուջեն, որով ՊՆ-ին տրամադրվել էր 370 մլրդ դրամ, իսկ Ֆինանսների նախարարության կայքի ինտերակտիվ բյուջեից երևում է, որ ծախսվել է 169 մլրդ դրամ, և մինչև տարվա վերջ դեռ պետք է ծախսվի 198 մլրդ դրամ»:

Նա հայտարարեց, որ այդ գումարները բավարար չեն պատերազմի կորուստները վերականգնելու և սահմանի անվտանգությունը ապահովելու համար:

«Չմոռանանք՝ սու 30 ինթնաթիռները, որոնք ոչ մի վայրկյան չմասնակցեիցն ոչ 44-օրյա պատերազմին, ոչ էլ ՀՀ ինքնիշխան տարածքի դեմ ոսոխի հարձակումները կասեցնելուն»,-ասաց Արթուր Խաչատրյանը և արձանագրեց. «Եկեք ընդունենք, որ մի երկրում, որը կանգնած է գոյութենական սպառնալիքի առաջ, չի կարող Երևանի կենտրոնում ծառայություն իրականացնող պարեկն ավելի բարձր աշխատավարձ ստանալ, քան սահմանին ծառայությունն իրականացնող զինվորականը, որն ամեն օր նայում է մահվան աչքերին և պատրաստ է կյանքի գնով դիմագրավել թշնամու առաջխաղացումը: Մենք դեմ չենք պարեկի բարձր աշխատավարձին, ընդդիմությունն ասում է, որ զինվորականը պետք է ստանա արժանի վարձատրություն:

Արթուր Խաչատրյանը շեշտեց, որ մի երկրում, որն իրեն հռչակել է ժողովրդավարության Բաստիոն, ոստիկանության և ՊՊԾ-ի բյուջեն չեն կարող ավելի բարձր լինել, քան էկոնոմիկայի և Բարձր տեխոնոլոգիական նախարարություններին հատկացված բյուջեն:

Անդրադառնալով սոցիալական ծախսերին, և որ նվազագույն աշխատավարձը բարձրանալու է 75 հազար դրամ՝ Խաչատրյանն ասաց. «Պարոնայք կառավարությո՛ւն, ձեր արածը վարկային տնտեսագիտության մեջ հստակ սահմանում ունի, կոչվում է «փողի պատրանք», խոսում եք փողի բացարձակ մեծությունից, բայց չեք անդրադառնում մեկ պարզ հարցի՝ արդյո՞ք այդ մի քանի կոպեկը, որը դուք հատկացնում եք ծերերին ու աղքատներին, նաև՝ աշխատող աղքատներին ի զորու է լուծել նրանց առաջ ծառացած հիմնական սոցիալական խնդիրները:Բոլորս ենք հասկանում, որ սպառողական գների աճի  ազդեցությունը խոցելի խավերի համար անհամաչափ ավելի մեծ է: Հասկանում ենք, որ թոշակառուն, գործազուրկը, հաշմանդամը նվազագույն, կամ նվազագույնից շատ չտարբերվող աշխատավարձով ապրող մարդու համար գնաճը ոչ թե 8.5 % կկազմի, այլ առնվազն կրկնակի ավել»:

Պատգամովրոը հիշեցրեց, որ 2022 թ հոկտեմբերին նախորդ տարվա նույն ամսվա հետ համեմատած հացի գինն աճել է 18.6 %-ով, ձավարեղենինը 21 %-ով, մակարոնը 33.3 %-ով, հնդկացորենը 22.3 %-ով և այլն

«Մսի և մրգի գնին չեմ անդրադառնում, քանի որ երջանիկ և բարեկեցիկ Հայաստանում միսը և միրգը շատ ընտանիքներ իրենց թույլ կարող են տալ միայն տոն օրերին: Ահա այսպես է ստացվում, որ տնտեսական բունի պայմաններում աղքատությունն աճում է»,- ասաց ընդդիմադիր պատգամավորը

Նկատելով, որ կառավարության ներկայացված թվերը ցուց են տալիս որ երկրում տնտեսական բում կա, որը նոր տնտեսական իրողություններով է պայմանավորված՝ Արթուր Խաչատրյանն ասաց որ դրանք են ռուս-ուկրաինական պատերազմի պատճառով Հայաստան ժամանած տասնյակ հազարավոր ՌԴ քաղաքացիները:

«Սա է տնտեսակն բումի գաղտնիքը, այն պայմանավորված չէ կառավարության քաղաքականությամբ, այլ միայն արտաքին գործոններով, որոնց վրա կառավարությունն ազդեցություն չունի և չէր կարող ունենալ:  Պարոնայք կառավարություն, դուք ոչ թե տնտեսական աճ եք ապահովել այլ պետական պարտքի աճ, որը հասել է ռեկորդային մակարդակի»,-հայտարարեց Արթուր խաչատրյանը և հայտարարեց որ «Հայաստան» խմբակցությունը դեմ է քվեարկելու բյուջեի նախագծին