Ձեր վստահելի աղբյուրը

«Խնդրում եմ առանց նախնական քննարկումների այդպիսի բաների մասին ընդհանարպես չհայտարարել, որովհետև այն սպասումներ է առաջացնում և ես ասում եմ՝ ոչ, այդ որոշումը չի կայացվելու, բոլորը թող այս գլխից իմանան»,-կառավարության այսօրվա նիստում Էկոնոմիկայի նախարար Վահան Քերոբյանին ընդհատեց Նիկոլ Փաշինյանը:

Գործադիրը քննարկեց Երևանի Աջափնյակ վարչական շրջանում երկու վթարային շենքի՝ գերակա շահ ճանաչելու, քանդելու և նորը կառուցելու գործընթացի համար Երևանի քաղաքապետաին լիազորություններ տալու հարցը:

Հարցի քննարկման ժամանակ Վահան Քերոբյանը ձայն խնդրեց և ասաց. «Թաղամասային մոտեցման մեջ կարևորն այն է, որ մենք ձևավորում ենք պատճաշ քաղաքային վիջավայր, այսինքը՝ մենք ոչ թե թողնում են անջատված թաղամասերը, այլ քաղաքային միջավայրն ենք ապահովում, որը քաղաքացիների կյանքը դարձնում է ավելի լավը: Կարող է այնպես լինել, որ թաղամասում շատ վթարային շենքեր լինեն և լինեն ոչ վթարային շենքեր, բայց ամբողջական միջավայր ձևավորելիս՝ ամբողջ թաղամասը քանդվի և 0-ից կառուցվի և այդտեղ կարող է նաև նորմալ շենքեր քանդվեն և 0-ից կառուցվեն»:

Քերոբյանը տեղեկացրեց, որ դրա վերաբերյալ արդեն մի պիլոտային նախագիծ են սկսել քննարկել, որտեղ կա նաև հարկային հարցերի լուծման խնդիր, որի շուրջ ֆինանսների նախարարության հետ աշխատում են:

«Այսպես կոչված անշարջ գույքի թրեյդինի գաղափարը, որ մարդիկ իրենց հին գույքը տան և նոր գույքը ստանան և  կառուցապատողն այդտեղ հարկային խնդիրներ չունենա և մարդիկ խնդիր չունենան՝ հնարավորինս քիչ հարկային ծանրաբեռնվածություն առաջացնելով»,-հայտնեց էկոնոմիկայի նախարարը և հավելեց, որ այդպիսի մեծ ծրագրերի համար պետք է հիպոտեկային վարկերի սուբսիդավորումը թողնել, որ գրավչությունը լինի:

«Էդ, մի րոպե, եկեք այդպիսի որոշում չկայացնենք, ո՛չ: Որոշում ենք կայացրել՝ թող կատարեն:  Ուզում են՝ թող արագ կատարեն և ժամկետի մեջ այդ շենքերը կառուցեն ու այդ հարցերը լուծեն»,-Քերոբյանին ընդհատեց Փաշինյանը:

Նա հայտնեց, որ կառավարությունն այլ ռազմավարությամբ է առաջ գնում, ըստ որի՝ երբ տեսել են, որ ամենաշատ վթարային շենքերը Աջափնյակ թաղամասում է և վթարային 4-5 հարկանի շենքերը պետք է փոխարինվեն բարձրահարկերով, հասկացել են, որ պետք է լուծվի տրանսպորտի հարցը և որոշել են մետրոյի կայարան կառուցել:

«Մենք կարող ենք շենքերը կառուցել, մարդիկ գան ուրախությամբ ապրեն, հետո շաբաթներով մնան խցանումների մեջ: Մենք որոշում ենք կայացրել և արդեն հայտարարում ենք, որ պետք է փոխե՞նք այդ որոշումը, ո՛չ, չենք փոխելու այդ որոշումը, թող ներդրուղներն ավելի ակտիվ լինեն, ավելի արագ, ակտիվ աշխատեն, քանի որ ռազմավարական պլանն մենք ունենք»,-հայտնեց գործադիրի ղեկվարաը և հայտարարեց, որ հիպոտեկային վարկի եկամտահարկի վերադարձի որոշման ժամկետը լրանալու է 2025 թվականին և այն չի վերանայվելու: