Ձեր վստահելի աղբյուրը

ԱՊՀ անդամ երկրների ներկայացուցիչների փորձագիտական խումբը համաձայնեցրել է 2024-2028 թվականների հանցավորության դեմ պայքարի համատեղ միջոցառումների միջպետական ծրագրի նախագիծը։ ՏԱՍՍ-ը գրում է, որ, այդ մասին ուրբաթ օրը հայտնել է ԱՊՀ գործադիր կոմիտեի մամուլի ծառայությունը։

«2022 թվականի նոյեմբերի 17-18-ին ԱՊՀ կենտրոնակայանում տեղի է ունեցել փորձագիտական խմբի նիստ՝ համաձայնեցնելու հանցավորության դեմ պայքարի 2024-2028 թվականների միջպետական միջոցառումների համատեղ ծրագրի նախագծերը, պետությունների ղեկավարների խորհրդի որոշումները»,-ասվում է հաղերդագրության մեջ։

Ըստ փաստաթղթի՝ աշխատանքի ընթացքում փորձագիտական խմբի անդամները քննարկել են ստացված դիտողություններն ու առաջարկությունները, վերջնական տեսքի են բերել և համաձայնեցրել փաստաթղթերի նախագծերը։

Միջոցառմանը, որն անցկացվել է միժամանակ ֆիզիկական ներկայությամբ և տեսակոնֆերանսի միջոցով, մասնակցել են Հայաստանի, Բելառուսի, Ղազախստանի, Ղրղզստանի, Մոլդովայի, Ռուսաստանի, Տաջիկստանի, Ուզբեկստանի և Ադրբեջանի, ինչպես նաև ԱՊՀ Միջխորհրդարանական վեհաժողովի, Ղազախստանի հրամանատարների խորհրդի ներկայացուցիչները,սահմանապահ զորքերի, ներքին գործերի նախարարների խորհուրդը, պաշտպանության նախարարների խորհուրդը, գլխավոր դատախազների համակարգող խորհուրդը, հակաահաբեկչական կենտրոնը, կազմակերպված հանցավորության և հանցագործության այլ վտանգավոր տեսակների դեմ պայքարի համակարգման բյուրոն, ղեկավարների կոմիտեն, Մաքսային ծառայությունների ղեկավարների խորհրդի իրավապահ մարմինների, հարկային հետաքննությունների ղեկավարների համակարգող խորհրդի, ԱՊՀ գործադիր կոմիտեի և Համագործակցության այլ մարմինների ներկայացուցիչներ:

ԱՊՀ գործադիր կոմիտեի փոխնախագահ Բեկետժան Ժումախանովն ասել է, որ ծրագրով նախատեսված միջոցառումների շարքը հիմնված է 2019-2023 թվականների հանցավորության դեմ պայքարի համատեղ միջոցառումների միջպետական ծրագրի գործունեության իրականացման վերլուծության արդյունքների վրա։