Կոչուբաև. Դատական ակտով թալանչի չունենք, բայց ունենք վարկաբեկված գեներալ, արժեզրկված բանակ
«Կառավարական տանը մի պաշտոնյա կա, որին որպես վարչապետ են ներկայացնում, ժամանակին երբ ընդդիմադիր էր, ասում էր, տվեք ինձ ամենաբռնապետական սահմանադրությունը և ես կկերտեմ ժողովրդավարություն։ Խնդիրը ոչ Քրեական օրենսգրքի, ոչ Սահմանդրության մեջ է, խնդիրն առհասարակ իրավաբանության հետ կապ չունի»,-«Իրավական պետության» ռիսկային իրականությունը թեմայով քննարկման ժամանակ ասաց փաստաբան Ալեքսանդր Կոչուբաևը՝ անդրադառնալով հանրապետության տարածքում հանցավորության աճին։
Նրա խոսքով, ոչ միայն հացագործությունների թիվն է ավելացել, այլև դրանք որակական փոփոխության են ենթարկվել, քանի որ «թաշվյա կոչվող հեղափոխությունից» հետո ավելացել են սպանությունները, մարմնական վնասվածքներ հասցնելու դեպքերը։
«Ամենամտահոգիչը հրազենի հետ կապված դեպքերն են, ապօրինի զենք-զինամթերք պահելը, դրանց կիրառմամբ հանցագործությունները։ Ես ուսումնասիրություն էի կատարում, պարզեցի, որ 2019-ի միայն առաջին եռամսյակում տեղի է ունեցել հրազենի հետ կապված այնքան հանցաքներ, որքան դրան նախորդող մեկ տարվա ընթացքում»,-ասաց Կոչուբաևը։
Փասաբանի խոսքով, Հայաստանի Սահմանադրությունը, օրենսդրությունը վատը չեն, շատ միջազգային գործընկերների հետ զրույցների ընթացքում եկել է եզրակացության, որ շատ դեպքերում ավելի լավն են, խնդիրը դրանք կիրառելու կամքն է։
«Իսկ այսօր այդ կամքը միտված է բացառապես տարբերվող տեսակետը ճնշելուն»,-ասաց նա։
Կոչուբաևի խոսքով, այսօր օպերատիվ համակարգը ֆիզիկապես չի հասցնում պայքարելու օրինակ բնակարանային գողությունների դեմ, ապանությունների ու այլ հանցագործությունների դեմ, «քանի որ օրինակ պեք է ձերբակալեն պարոն Աշոտյանին, իսկ մինչ այդ նրա ելքն արգելեն, նստեն Չալաբյանի ձայնագրությունը մոնտաժեն։ Իրավապահ համակարգը մեծ մասամբ զբաղված է դրանով»։
Փաստաբանն այս առումով քաոս ստեղծելու պետական քաղաքականություն է տեսնում։ Ըստ նրա, եթե ուսումնասիրելու լինեն հանցավորություն ծնող պատճառները, ապա կհասկանան, որ այսօրվա հանցավորությունը նոր պատճառներ ու նոր նպաստող պայմաններ ունի։
«Վերնագրեր կարդացող հասարակությանը հաճախ սկանդալային վերնագրերով են կերակրում, բայց եթե նայենք, կտեսենք, կարծես, նախկինները չեն թալանել, բանակը չի թալանվել, եթե կան ձերբակալվածներ, ապա նրանք վերջին երեք տարիներին պաշտոնավարածներն են։ Մինչ այս պահը չենք տեսել վերջնական դատական ակտ, որ նախկին այս ինչ պաշտոնյան բանակ է թալանել, այդ ամենն արվում է սկանդալի, վերնագրի համար։ Դատական ակտով թալանչի չունենք, բայց ունենք վարկաբեկված գեներալ, արժեզրկված բանակ»,-ասաց նա։
Լրահոս
Տեսանյութեր
Գիշեր-ցերեկ կաշխատենք, միայն առաջվա Հայաստանում ապրենք. Քաղաքացիները՝ աշխատաժամանակի կրճատման մասին
