Ձեր վստահելի աղբյուրը

«Այս ոլորտում իմ փորձը ցույց է տվել, որ լավատեսական լուրերի մասով պետք է շատ զգույշ լինել, բայց կարող եմ ասել՝ այն ամենն, ինչ երեկ իմացանք և պայմանավորվեցինք, եթե այդ ամենը իր տրամաբանությունից չշեղվի՝ առաջիկայում մենք «Հայկական խաչմերուկ» ծրագրի շրջանակներում եկաթուղիների վերականգնման ոլորտում մեծ ներդրումներ իրականացնելու անհրաժեշտություն կունենանք»,-կառավարության նիստում հայտարարեց Նիկոլ Փաշինյանը՝ անդրադառնալով նախօրեին տեղի ունենցած ՀԱՊԿ գագաթնաժողովին:

Նա համոզմունք հայտնեց, որ երկաթուղու կառուցման ծրագրին միջազգային գործընկերները ուշադրություն կդրաձնեն, ինչը ուրախալի համարեց:

«Խոսքը հետևյալի մասին է, որ ՌԴ նախագահի հետ երեկ ուենցած բանակցությունների ընթացքում մենք որոշակի ազդակներ կամ տեղեկություններ ստացանք, ինչը նշանակում է, որ կարող է լինել էական և լուրջ հնարավորություն, որ մեն սկսենք նորից վերադառնալ և սկսել երկաթուղու վերականգնման աշխատանքերը: Խոսքը Հորադիզ-Մեղրի-Օդուբադ-Սադարակ- Երասխ երկաթուղու մասին է»,-տեղեկացրեց Փաշինյանը:

Նա հայտարարեց, որ նախորդ փորձը հաշվի առնելով՝ ընդամենը կիսվում է տեղեկատվությամբ, բայց այն պետք է վերահաստատվի և արձանագրվի, իսկ լավն այն է, որ երկաթուղու վերականգնման ծարագիրը ֆինանսների պրոբլեմ չի ունենա:

«Չնայած այն հանգամանքին, որ ՀԱՊԿ ՀԱԽ հռչակագիրը չընդունվեց, այսինքը՝ մենք չստորագրեցինք և սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը չընդունվեց, կրկին մեր չստորագրելու պատճառով, բայց ես ուզում եմ ասել, որ ընդհանուր առմամբ էլի դրական եմ համարում քննարկումը, ՌԴ-ի հետ երկկողմ ֆորմատով բանակցկությունները և հույս ունեմ, որ այն պայմանավորվածությունները որոնք արձանագրվեցին՝ հնարավորինս արագ կիրականանան»,-հայտարարեց ՀՀ գործադիր մարմնի ղեկավարը: