![](https://panorama.am/news_images/921/2760578_1/250514075_0_63_1201_738_1240x0_80_0_0_21487017f5dd60299fb3acd85ce7106f.thumb.jpg)
Բրիտանիայի սուպերմարկետներից հավկիթներն անհետացել են
Մեծ Բրիտանիայում հավի ձվի դեֆիցիտ կա, որոշ սուպերմարկետներում այդ ապրանքն անհետացել է դարակներից, հաղորդում է Bloomberg գործակալությունը:
Ինչպես նշվում է հրապարակման մեջ, ԱՄՆ-ում և Եվրոպայում թռչնագրիպի բռնկումը հանգեցրել է տնային թռչունների զանգվածային ոչնչացման: Արդյունքում, հոկտեմբերին ձվի գները գլխավորում էին ԱՄՆ-ում պարենային գնաճի ցուցակը, իսկ Հունգարիայում իշխանությունները ստիպված էին ինքնուրույն սահմանափակել այս ապրանքի արժեքը:
Վերլուծաբանները նշում են, որ դեֆիցիտի մեջ իր դերը կարող է խաղալ պարենային ապրանքների ընդհանուր գնաճը. փողի պակաս ունեցող գնորդները մսից անցնում են սպիտակուցի ավելի էժան աղբյուրների, դրանցից մեկը հավկիթն է: Բացի այդ, դրանց պահանջարկը սովորաբար ավելի մեծ է ձմռանը, հատկապես Սուրբ Ծննդյան տոների շրջանում:
Մյուս խնդիրը արտադրության առանձնահատկություններից ելնելով մատակարարումների ծավալն արագ ավելացնելու անկարողությունն է։
Հրապարակումից հետևում է, որ ձվի հետ կապված իրավիճակը բրիտանական շուկայում Սուրբծննդյան տոների մոտենալուն զուգընթաց կարող է վատթարանալ։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան